Joriy yilning 19-mart kuni Jahon iqtisodiyoti va diplomatiya universitetida magistratura bosqichi “Xalqaro arbitraj va nizolarni hal etish” yo’nalishi talabalariga– “O‘zbekiston Respublikasida nizolarni muqobil hal etishning amaliyotdagi dolzab jihatlari” mavzusiga bag‘ishlangan mahorat darsi bo‘lib o‘tdi. Mazkur tadbir talabalarning nazariy bilimlarini real amaliyot bilan boyitish, sohadagi zamonaviy tendensiyalarni tahlil qilish maqsadida “Fuqarolik huquqi va xalqaro xususiy huquq fanlari” kafedrasi mudiri Sh.Masadikov va kafedra o‘qituvchisi A.Bobonazarov tomonidan tashkil etildi.

Mahorat darsida soha mutaxassisi – “Toshkent mediatsiy amarkazi” direktori, amaliyotchi mediator Diyorbek Kimsanov o‘z ma’ruzasi bilan ishtirok etdi. Tadbirda “Fuqarolik huquqi va xalqaro xususiy huquq fanlari” kafedrasi professor-o‘qituvchilari bilan bir qatorda, “Xalqaro arbitraj va nizolarni hal etish” yo‘nalishi magistratura talabalari faol qatnashib, sohadagi nozik huquqiy jihatlar yuzasidan o‘zaro fikr almashdilar.

Mashg‘ulot davomida, dastlab, nizolarni muqobil hal etishning milliy va xalqaro doirada mavjud bo’lgan usullari tahlil etildi. Bundan tashqari, amaliyotda mediatsiyaning qo’llanilishiga doir bo’lgan dolzab masalalar, mediatsiyaning sohalar bo’yicha qo’llanilishi va mediativ kelishuvlarni ijro etishga doir masalalar hayotiy misollar yordamida yoritib berildi. Shuningdek, sudlov jarayonining ish ko’lamini kamaytirishda nizolarni hal etishning qaysi usullarining qo’llanilihsi samaraliroq bo’lishi mumkinligi to’g’risida fikrlar almashildi.

Tadbir yakunida BRMning 16.3-bandi – “Qonun ustuvorligini ta’minlash va odil sudlov imkoniyatlarini kengaytirish” tamoyillari mediatsiya va boshqa ko’rinishdagi nizolarni muqobil hal etishga oid keng ko’lamdagi huquqiy o’zgarishlarni hayotda tadbiq etish kabi masalalar va ushbu band bilan belgilangan kuchli demoktratik institutlarni barpo etishdagi ahaiyatini o’zida ifoda etadi.