2025/2026 o‘quv yili qabulida kirish imtihonlari natijalariga ko‘ra to‘plagan ballari tasdiqlangan to‘lov-kontrakt doirasidagi qabul parametrlari chegarasiga yetmagan va 56,7 balldan yuqori ball to‘plagan abiturientlarni Jahon iqtisodiyoti va diplomatiya universitetiga talabalikka qo‘shimcha qabul qilish uchun oshirilgan to‘lov-kontrakt miqdorlari tasdiqlandi 1.Yangilangan qo‘shimcha qabul qilish uchun oshirilgan to‘lov-kontrakt miqdorlari quyidagicha belgilandi: № Shifr Ta’lim yo‘nalish Stipendiyasiz oshirilgan to‘lov-kontrakt miqdori Stipendiyali oshirilgan to‘lov-kontrakt miqdori 1 60310200 Jahon iqtisodiyoti va xalqaro iqtisodiy munosabatlar 146 250 000,0 153 086 040,0 2 60420100 Yurisprudensiya 303 750 000,0 310 586 040,0 3 60310200 Xalqaro munosabatlar 146 250 000,0 153 086 040,0 4 60310100 Siyosatshunoslik 146 250 000,0 153 086 040,0
2025-yil 29-avgustda Jahon iqtisodiyoti va diplomatiya universitetida “Dolzarb 90 kun” tashabbusi doirasida universitet psixologi Nargiza Norova tyutorlar uchun “Talabalar bilan samarali ishlashda psixologik yondashuv” mavzusida o‘quv-psixologik seminar-trening tashkil etdi. Trening davomida quyidagi masalalar atroflicha muhokama qilindi: • birinchi kurs talabalarining universitet muhitiga moslashishida psixologik qo‘llab-quvvatlashning samarali usullari; • har bir talaba bilan ishlashda individual psixologik yondashuvlar; • talabalarning ruhiy holatini baholashning zamonaviy usul va vositalari; • hissiy barqarorlikni shakllantirish va mustahkamlash bo‘yicha tavsiyalar. Tadbir interaktiv tarzda o‘tdi: ishtirokchilar psixolog rahbarligida savollar berdilar, amaliy mashqlarni bajardilar va turli texnikalarni mashq qildilar. Trening yakunida tyutorlarga kundalik kasbiy faoliyatlarida psixologik yondashuvni qo‘llash bo‘yicha amaliy tavsiyalar berildi. Ushbu seminar JIDU tyutorlari ishini takomillashtirish va talabalarning ijtimoiy-psixologik moslashuvi samaradorligini oshirishga xizmat qiladi.
2025-yil 27-avgust kuni Jahon iqtisodiyoti va diplomatiya universitetida (JIDU) O‘zbekiston Respublikasi mustaqilligining 34 yilligiga bag‘ishlangan tantanali yig‘ilish bo‘lib o‘tdi. Tadbirni O‘zbekiston Respublikasi Oliy Majlisi Senati Raisining birinchi o‘rinbosari, JIDU rektori Sodiq Safoyev ochib berdi. U o‘z nutqida mustaqillikka erishishning tarixiy ahamiyatini va mamlakatimiz o‘tgan davr mobaynida hayotning barcha sohalarida erishgan ulkan yutuqlarni alohida ta’kidladi. Uning so‘zlariga ko‘ra, ushbu taraqqiyotda zamonaviy jamiyat rivojlanishining asosiy harakatlantiruvchi kuchi bo‘lgan ta’lim va fan alohida o‘rin tutadi. S. Safoyev o‘tgan o‘quv yili yakunlarini sarhisob qilib, universitetning ilmiy va o‘quv faoliyatidagi sezilarli yutuqlarini alohida qayd etdi. U professor-o‘qituvchilarning xalqaro nufuzli nashrlardagi maqolalari soni oshgani, ilmiy tadqiqotlar uchun grantlar miqdori ko‘paygani, shuningdek, yetakchi xorijiy oliy o‘quv yurtlari va mutaxassislar bilan hamkorlikda bir qator innovatsion loyihalar muvaffaqiyatli amalga oshirilganini ta’kidladi. Nutqini yakunlar ekan, rektor JIDU professor-o‘qituvchilari va barcha xodimlarini asosiy vazifani bajarish - O‘zbekistonning ravnaqi va kelajagiga munosib hissa qo‘shishga qodir yuqori malakali va raqobatbardosh kadrlarni tayyorlash uchun kuch-g‘ayratlarini birlashtirshga da’vat etdi. Tadbir doirasida taqdirlash marosimi bo‘ldi. Ilmiy faoliyatdagi yuksak yutuqlari, ta’lim jarayoniga qo‘shgan salmoqli hissasi va halol mehnati uchun universitetning bir guruh professor-o‘qituvchilari va xodimlari faxriy yorliqlar bilan taqdirlandi. Shuningdek, “O‘zbekiston va Hindiston me’moriy epigrafiyasi - Buyuk Boburiylar davri” nomli qisqa metrajli hujjatli film namoyish etildi. Film ikki mamlakat o‘rtasidagi chuqur tarixiy va madaniy aloqalarni ko‘rsatib, O‘zbekistonning ilm-fan, madaniyat markazi va sivilizatsiyalar chorrahasi sifatidagi o‘rnini ta’kidladi. Bayramning tantanali muhiti yig‘ilganlarga umumiy qadriyatlar va belgilangan maqsadlarning universitet hamda mamlakatni yanada rivojlantirish uchun naqadar muhimligini yana bir bor eslatdi.
Joriy yilning 27-avgust kuni Jahon iqtisodiyoti va diplomatiya universiteti rahbariyati 2025/2026 o‘quv yili oldidan talabalarni qulay va zamonaviy turar joy bilan ta’minlash bo‘yicha tizimli ishlarni amalga oshirdi. Bu jarayon nafaqat o‘z vaqtida joylashtirish, balki ta’lim oluvchilar uchun qulay, xavfsiz va ma’naviy sog‘lom muhitni yaratishga qaratilgan. Yoshlar masalalari va ma’naviy-ma’rifiy ishlar bo‘yicha birinchi prorektor O.Yusupjanov Talabalarni yotoqxonalarga joylashtirishga ko‘maklashish markazi (infokiosk) bilan hamkorlikda tashkil etilgan amaliy tadbirlar davomida Toshkent shahridagi bir qator xostel va yotoqxonalardagi sharoitlarni o‘rganib chiqdi. Tashriflar natijasiga ko‘ra, turar joylarning gigiyena me’yorlariga mos kelishi, umumiy foydalaniladigan joylarning ozoda saqlanishi, xavfsizlik tizimlari va yong‘inga qarshi vositalarning ishlashi qayd etildi. Shuningdek, talabalar ehtiyojlaridan kelib chiqqan holda internet va boshqa aloqa xizmatlari ham tashkil etilgani ma’lum qilindi. Oshxonalar, sport zallari va dam olish maskanlaridagi sharoitlar yuqori baholandi. Uchrashuvlar yakunida infratuzilmani yanada rivojlantirish va xizmatlar sifatini yuqori darajada saqlab qolish bo‘yicha kelishuvlarga erishildi. Belgilanishicha, ushbu chora-tadbirlarning ijrosi doimiy ravishda nazorat qilib boriladigan bo‘ldi.
Joriy yilning 26-avgust kuni Jahon iqtisodiyoti va diplomatiya universitetida “Markaziy Osiyo global iqtisodiy transformatsiya chaqiriqlari qarshisida: baholar va prognozlar” mavzusidagi dolzarb xalqaro konferensiya bo‘lib o‘tdi. Tadbir JIDU va Roza Lyuksemburg jamg‘armasining Markaziy Osiyodagi vakolatxonasi hamkorligida tashkil etildi. Bu zamonaviy muammolarga yechim topishda xalqaro muloqotning ahamiyatini yana bir bor tasdiqladi. Konferensiyani Oliy Majlis Senati raisining birinchi o‘rinbosari, JIDU rektori Sodiq Safoyev hamda Roza Lyuksemburg jamg‘armasi ijroiya kengashi raisi, professor Xayns Birbaum qutlov so‘zlari bilan ochdilar. Ular o‘z nutqlarida jahon iqtisodiyotining yangi tuzilmasida Markaziy Osiyo mintaqasining strategik ahamiyatini va uni barqaror rivojlantirish uchun ilmiy asoslangan yondashuvlarni birgalikda ishlab chiqish zarurligini ta’kidladilar. Konferensiya ishi uchta mazmunli sessiyaga bo‘lindi. Har bir sessiyada belgilangan mavzuning asosiy jihatlari batafsil muhokama qilindi. Birinchi sessiya davom etayotgan global transformatsiya jarayonlarini baholash va uzoq muddatli tendensiyalarni aniqlashga bag‘ishlandi. Muhokamalar geosiyosiy o‘zgarishlar, global savdo va ishlab chiqarish zanjirlaridagi o‘zgarishlar, yirik iqtisodiy kuchlar o‘rtasidagi munosabatlarning rivojlanishi va bularning Markaziy Osiyoga ta’siri atrofida bo‘ldi. Yevropa va Osiyo iqtisodiyotlari o‘rtasidagi o‘zaro ta’sir va bu dinamikaning mintaqaviy integratsiya, barqarorlik va o‘sish imkoniyatlariga ko‘rsatadigan ta’siriga alohida e’tibor qaratildi. Keyingi panel yangi global muammolarni hisobga olgan holda Markaziy Osiyo istiqbollarini ko‘rib chiqdi. Unda pul-kredit siyosatini modernizatsiya qilish, muhim foydali qazilmalar va "yashil" energetika salohiyati, mintaqaviy qiymat zanjirlariga xorijiy investitsiyalarni jalb qilish istiqbollari muhokama qilindi. Ekspertlar barqaror rivojlanish global iqtisodiyotdagi noaniqlik sharoitida iqtisodiy ochiqlik va barqarorlik strategiyalari o‘rtasida muvozanatni talab qilishini ta’kidladilar. Yakunlovchi sessiyada global iqtisodiy o‘zgarishlarning Markaziy Osiyo xavfsizligi va barqarorligiga ta’siri o‘rganildi. Mintaqaning tashqi zarbalarga zaifligi, deglobalizatsiya xavf-xatarlari va global iqtisodiy beqarorlikning ijtimoiy ta’siri muhokama qilindi. Global iqtisodiyotning nochiziqli dinamikasi sharoitida barqarorlikni saqlash va chidamlilikni ta’minlash uchun muvofiqlashtirilgan mintaqaviy choralar zarurligiga urg‘u berildi. Konferensiyada yetakchi mahalliy va xorijiy mutaxassislar, iqtisodchilar, siyosatshunoslar, diplomatlar hamda davlat idoralari vakillari ishtirok etdilar. Tadbir ochiq kasbiy muloqot, fikr almashish va amaliy tavsiyalar ishlab chiqish uchun noyob imkoniyat yaratdi. Loyihaning muhim natijasi sifatida jamoaviy monografiya nashr etiladi. Ushbu kitobga konferensiya davomida so‘zlangan mutaxassislarning ma’ruza matnlari va tezislari, shuningdek, tanlov natijalariga ko‘ra saralangan tadqiqotchilar, bakalavr va magistrlarning eng sara maqolalari kiritiladi. Bu esa tadbir doirasida ilgari surilgan qimmatli g‘oyalar va tahlillarni saqlab qolish hamda keng yoyish imkonini beradi.
Joriy yilning 25-avgust kuni Oliy Majlis Senati raisining birinchi o‘rinbosari, Jahon iqtisodiyoti va diplomatiya universiteti rektori S.Safoyev Roza Lyuksemburg fondining (Germaniya) boshqaruvi raisi H.Bierbaum, boshqaruvchi direktor o‘rinbosari F.Degenxardt, Osiyo departamenti loyiha menejeri K.Frans, Germaniya parlamenti So‘l partiyasi kengashi a’zosi R.Pohle, Germaniya parlamenti a’zosi L.Reisnerning ilmiy ishlar bo‘yicha yordamchisi A. Hekkendorff va RLFning Markaziy Osiyodagi vakolatxonasi rahbari M. Linkeni qabul qildi. Uchrashuvda universitet va Roza Lyuksemburg fondi o‘rtasidagi hamkorlikni yanada rivojlantirish, shuningdek, Markaziy Osiyoda ta’lim va ilmiy tashabbuslarni rivojlantirishga qaratilgan qo‘shma loyihalarni amalga oshirish masalalari muhokama qilindi. Uchrashuv ishtirokchilari ijtimoiy-siyosiy tadqiqotlar sohasida o‘zaro hamkorlik, shuningdek, institutlar o‘rtasida tajriba almashish muhimligini ta’kidladilar. Tomonlar mintaqaning barqaror rivojlanishiga hissa qo‘shadigan yangi loyihalarni amalga oshirish bo‘yicha faol hamkorlik va birgalikdagi sa’y-harakatlarga tayyor ekanliklarini bildirdilar.
Jahon iqtisodiyoti va diplomatiya universiteti qoshidagi Yuridik klinika tashabbusi bilan 2025-yilning 22-avgust kuni “Ijtimoiy himoyaga muhtoj fuqarolarga bepul yuridik maslahat berish” mavzusida ochiq muloqot tashkil etildi. Tadbirning maqsadi aholining ijtimoiy zaif qatlamlarini huquqiy jihatdan qo‘llab-quvvatlash, bepul yuridik yordam mexanizmlarini targ‘ib qilish va aholining huquqiy savodxonligini oshirishdan iborat bo‘ldi. Muloqotda JIDU Yoshlar masalalari va ma’naviy-ma’rifiy ishlar bo‘yicha birinchi prorektor O.Yusupdjanov boshchiligida, rektor maslahatchisi A.Turdimatov, JIDU Yuridik klinikasi direktori Z.S.Ubaydullayev va universitet professor-o‘qituvchilari, talabalar hamda jamoatchilik vakillari ishtirok etishdi. Unda ijtimoiy himoyaga muhtoj fuqarolarning huquqiy muammolari, bepul yuridik maslahat berishning amaldagi tartibi hamda yuridik klinikaning bu boradagi faoliyati keng muhokama qilindi. Ishtirokchilar o‘z savollariga bevosita mutaxassislar tomonidan javob olishdi. Tadbir yakunida fuqarolarning huquqlarini samarali himoya qilish, bepul yuridik xizmatlardan foydalanish imkoniyatlarini kengaytirish va bu yo‘nalishda yangi tashabbuslarni ilgari surish bo‘yicha tavsiyalar berildi. Yuridik klinika bundan buyon ham aholiga bepul yuridik maslahatlar ko‘rsatishda davom etishini hamda talabalar uchun amaliy ko‘nikmalarni rivojlantirishga xizmat qiladigan loyihalarni kengaytirishini ma’lum qildi.
Jahon iqtisodiyoti va diplomatiya universiteti “Siyosatshunoslik” kafedrasi katta o‘qituvchisi Madina Abdullayeva 2025-yil 27-iyuldan 10-avgustgacha Moskva shahrida Rossiya davlat gumanitar universitetida o‘tkazilgan “Yozgi institut” xalqaro loyihasida ishtirok etdi. Loyiha 2023-yildan boshlab Rossiya Fan va oliy taʼlim vazirligi hamda Rossiya davlat gumanitar universiteti qoshidagi “Ijtimoiy markaz” Federal davlat avtonom muassasasi tashabbusi va koʻmagida dunyoning turli mamlakatlari va mintaqalaridan yosh oʻqituvchilar va tadqiqotchilar uchun amalga oshirilmoqda. Loyihaning maqsadi xorijiy tadqiqotchilar va o‘qituvchilarni Rossiyaning zamonaviy ilmiy va ta’lim muhiti bilan tanishtirish, hamda xalqaro ilmiy va ta’lim sohasidagi hamkorlikni faollashtirishdan iborat. “Yozgi institut – 2025” ishtirokchilari “Yevroosiyo makonidagi tarixiy jarayonlar: tadqiqot metodologiyasi va yangi yondashuvlar” malaka oshirish dasturi bo‘yicha ikki haftalik treningdan o‘tdi. Dastur Rossiyaning yetakchi gumanitar ekspertlari tomonidan ma’ruzalar, seminarlar, davra suhbatlari va mahorat darslaridan tashkil topdi. RDGU bilan bir qatorda dastur ishtirokchilarini loyihaning hamkor universitetlari: Lomonosov nomidagi Moskva davlat universitetining tarix fakulteti, Tver davlat universiteti va L. N. Tolstoy nomidagi Tula davlat pedagogika universiteti qabul qildi. Dastur shuningdek, Rossiya poytaxtining diqqatga sazovor joylariga sayohat va Moskva muzeylariga tashrif, qadimiy shaharlarga ekskursiyalar, jadal rivojlanayotgan Tver va Tula viloyat markazlari bilan tanishtiruv kabi boy madaniy komponentni o‘z ichiga oldi. Dastur yakunlangach, ishtirokchilarga RDGUda malaka oshirganlik to‘g‘risida sertifikatlar, shuningdek, hamkor universitetlarda amaliyot o‘taganlik sertifikatlari topshirildi.
