Ta'limning yuqori sifati

Jahon iqtisodiyoti va diplomatiya universitetining bakalavriat dasturlari talabalarda global jarayonlarni chuqur anglash, murakkab masalalarni tahlil qilish hamda xalqaro darajada samarali faoliyat yuritish uchun zarur bo‘lgan fundamental bilim, amaliy ko‘nikma va zamonaviy dunyoqarashni shakllantiradi. Ta’lim jarayoni nazariy bilimlar, amaliy tayyorgarlik va fanlararo yondashuv uyg‘unligida tashkil etilgan. Bakalavriat bosqichida universitet quyidagi asosiy ta’lim yo‘nalishlarini taklif etadi: Xalqaro munosabatlar; Siyosatshunoslik; Jahon iqtisodiyoti va xalqaro iqtisodiy munosabatlar; Xalqaro-huquqiy faoliyat yo‘nalishidagi yurisprudensiya. Har bir dastur davlat boshqaruvi, diplomatiya, xalqaro hamkorlik, tahliliy faoliyat va zamonaviy mehnat bozori ehtiyojlarini hisobga olgan holda ishlab chiqilgan. Asosiy kompetensiyalar JIDU bakalavriat dasturlari bitiruvchilarda quyidagi kompetensiyalarni shakllantiradi: analitik va tanqidiy fikrlash; xalqaro siyosiy, iqtisodiy va huquqiy jarayonlarni tushunish; dalillarga asoslangan qaror qabul qilish; tadqiqot olib borish va ma’lumotlar bilan ishlash; professional yozma va og‘zaki muloqot; madaniyatlararo hamkorlik; hamda davlat, xususiy va xalqaro sektorlar uchun zarur bo‘lgan amaliy kasbiy tayyorgarlik. Ta’lim jarayonida talabalar akademik mobillik dasturlari, amaliyot, yetakchi mutaxassislar va ekspertlar bilan uchrashuvlar, ilmiy izlanishlar hamda loyiha faoliyati orqali o‘z bilim va ko‘nikmalarini amaliy muhitda rivojlantiradilar. Bu esa ularda mustaqil fikrlash, moslashuvchanlik, strategik yondashuv va professional mas’uliyatni yanada kuchaytiradi. Natijada bitiruvchilar milliy va xalqaro darajada raqobatbardosh, tashabbuskor, zamonaviy va yuqori malakali mutaxassislar sifatida shakllanadilar. Universitetda talabalarga ikkinchi xorijiy til sifatida 12 ta til ichidan tanlov qilish imkoniyati ham yaratilgan. Quyida bakalavriat dasturlari bilan tanishishingiz mumkin. Til yo‘nalishidagi fanlar Sillabus: Rus tili I,II (2025) Sillabus: O‘zbek tili I , II (2025) SHARQ TILLARI SILLABUSLARI (Barcha ta’lim yo‘nalishlari uchun) 2025 Ikkinchi chet tili sillabuslari, 2025/26 (Romano-german tillari) 2025/26 Ta’lim dasturlari bo‘yicha o‘quv jadvallari 2025/2026 o‘quv yili uchun akademik kalendar va amaliyot jadvali

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

19.10.2026

JIDUDA “YUMSHOQ KUCH DIPLOMATIYASI” MAVZUSIDA IKKINCHI MAHORAT DARSI O‘TKAZILDI

2026-yil 16-oktabr kuni Jahon iqtisodiyoti va diplomatiya universitetida universitet dotsenti Shaxnoza Xatamovna Ganiyevaning ta’lim tashabbusi doirasida ikkinchi mahorat darsi bo‘lib o‘tdi. Mazkur tashabbus talabalarning intellektual dunyoqarashini kengaytirish, yoshlarni xalqimizning boy tarixiy va madaniy merosiga oshno etish hamda bo‘lajak mutaxassislarning kasbiy kompetensiyalarini rivojlantirishga qaratilgan. Tadbir davomida buyuk ajdodlarimizning ilmiy va ijodiy merosi, ularning jahon ilm-fani, madaniyati va san’ati rivojiga qo‘shgan hissasi, shuningdek, yosh avlod tarbiyasida ma’naviy merosni asrab-avaylash va keng targ‘ib etishning ahamiyatiga alohida e’tibor qaratildi. Zamonaviy yoshlarning dunyoqarashini shakllantirishda tarixiy tajriba va buyuk siymolarning ijodiy merosini o‘rganish muhimligi ta’kidlandi. Mahorat darsining muhim qismi sifatida Shaxnoza Ganiyevaning buyuk musavvir, Sharq miniatyura san’atining yirik namoyandasi Kamoliddin Behzod hayoti va ijodiga bag‘ishlangan mualliflik filmi namoyish etildi. Film talabalarga ulug‘ san’atkor merosi bilan yanada yaqindan tanishish, Sharq miniatyura san’atining o‘ziga xos xususiyatlarini anglash hamda uning jahon madaniyatidagi o‘rnini chuqurroq tushunish imkonini berdi. Tadbir avlodlar davomiyligi, tarixiy xotirani asrab-avaylash va madaniy qadriyatlarni keng targ‘ib etish masalalarini mazmunli muhokama qilish uchun maydon yaratdi. Buyuk ajdodlarimiz merosini o‘rganish talabalarda milliy tarixga hurmatni kuchaytirish, estetik didni rivojlantirish hamda zamonaviy dunyoda O‘zbekistonning boy madaniy merosi ahamiyatini anglashga xizmat qiladi. Mahorat darslari turkumining davom ettirilishi talabalarning tarix, san’at va ma’naviy merosga bo‘lgan qiziqishini yanada oshirish, bilim va g‘oyalar almashinuvini rivojlantirish hamda ta’lim jarayonini yangi yondashuvlar bilan boyitishga xizmat qiladi. Buyuk ajdodlarimiz merosini o‘rganish va uni yoshlar orasida keng targ‘ib etish — o‘z tarixi va madaniyatini qadrlaydigan, bilimli va ma’naviy barkamol avlodni tarbiyalashning muhim omilidir.

17.10.2026

JIDUda AQSHning Penn State Dickinson Law huquq maktabi vakili ishtirokida ma’ruza tashkil etildi

2026-yil 16-oktabr kuni Jahon iqtisodiyoti va diplomatiya universitetida (JIDU) AQSHning Pensilvaniya shtat universiteti (Pennsylvania State University) tarkibidagi Penn State Dickinson Law huquq maktabi vakili Stiven Barns (Stephen Barnes) ishtirokida mehmon ma’ruzasi tashkil etildi. Ma’ruza davomida AQSH Konstitutsiyasida mustahkamlangan hokimiyatlar bo‘linishi prinsipi, qonun chiqaruvchi, ijro etuvchi va sud hokimiyatining vakolatlari, shuningdek, prezident vakolatlarining kengayishi bilan bog‘liq AQSH Oliy sudining so‘nggi qarorlari muhokama qilindi. Mazkur mavzular talabalarga AQSH konstitutsiyaviy tuzumi va huquqiy tizimining o‘ziga xos jihatlarini chuqurroq anglash imkonini berdi. Shuningdek, talabalar Penn State Dickinson Law huquq maktabida magistratura bosqichida tahsil olish imkoniyatlari, qabul talablari hamda stipendiya dasturlari bilan tanishdilar. Ushbu oliy ta’lim muassasasida JIDUning qariyb 20 nafar bitiruvchisi tahsil olgani va diplom olgani mazkur uchrashuvning amaliy ahamiyatini yanada oshirdi. Ma’ruza talabalarning konstitutsiyaviy huquq sohasidagi bilimlarini kengaytirish, xalqaro akademik hamkorlik aloqalarini rivojlantirish hamda AQSHda oliy ta’lim olish imkoniyatlari to‘g‘risidagi tasavvurlarini boyitishga xizmat qildi.

16.10.2026

JIDUda Yoshlar kuni munosabati bilan ma’naviy-ma’rifiy uchrashuv o‘tkazildi

2026-yil 15-oktabr kuni Jahon iqtisodiyoti va diplomatiya universiteti talabalari istiqomat qilayotgan D. I. Mendeleyev nomidagi Rossiya kimyo-texnologiya universiteti talabalar turar joyida Yoshlar kuni munosabati bilan 160 nafardan ortiq JIDU talabalari ishtirokida ma’naviy-ma’rifiy uchrashuv tashkil etildi. Uchrashuv yoshlarning ma’naviy-axloqiy kamolotini qo‘llab-quvvatlash, ijtimoiy faolligini oshirish, psixologik farovonligini mustahkamlash, huquqiy madaniyatini yuksaltirish hamda talabalar turar joyida sog‘lom ijtimoiy-psixologik muhitni shakllantirishga qaratildi. Tadbir Yoshlar masalalari va ma’naviy-ma’rifiy ishlar bo‘yicha birinchi prorektor Oydin Mannopova boshchiligida, universitet psixologi N. Norova, profilaktika inspektori Sh. Boymatov hamda UWED FORCE jamoatchilik guruhi ishtirokida o‘tkazildi. Uchrashuv davomida Oydin Mannopova yoshlarning ma’naviy kamoloti, bilim olishga intilishi, tashabbuskorligi va jamiyat oldidagi mas’uliyati masalalariga alohida e’tibor qaratdi. Talabalarni universitetda yaratilgan imkoniyatlardan samarali foydalanish, zamonaviy bilim va ko‘nikmalarni egallash, mustaqil fikrlash, o‘z ustida muntazam ishlash hamda universitet hayotida faol ishtirok etishga chorladi. Shuningdek, milliy va umuminsoniy qadriyatlarga hurmat, odob-axloq me’yorlariga rioya etish, o‘zaro hurmat, hamjihatlik va mas’uliyat tamoyillarini mustahkamlashning yoshlar kamolotidagi o‘rni ta’kidlandi. Uchrashuv doirasida talabalarning talabalar turar joyidagi yashash sharoitlari, kundalik ehtiyojlari, ijtimoiy-psixologik holati, o‘zaro munosabatlari hamda ularni tashvishga solayotgan masalalarni o‘rganishga alohida e’tibor qaratildi. Talabalarning fikr va takliflarini tinglash, mavjud muammolarni aniqlash hamda ularni vakolat doirasida hal etish bo‘yicha tegishli yondashuvlarni belgilash muhimligi qayd etildi. Mazkur yondashuv talabalar bilan ochiq muloqotni rivojlantirish, ularning murojaatlariga o‘z vaqtida munosabat bildirish, zarur hollarda tegishli mutaxassislar ko‘magini tashkil etish hamda talabalarga yo‘naltirilgan qo‘llab-quvvatlash tizimini takomillashtirishga xizmat qiladi. Universitet psixologi N. Norova ruhiy salomatlikni asrash, hissiy barqarorlikni mustahkamlash, stressli vaziyatlarni boshqarish, sog‘lom muloqot madaniyatini rivojlantirish va o‘zaro munosabatlarda hurmat tamoyillariga amal qilish yuzasidan tavsiyalar berdi. Talabalarning psixologik farovonligini qo‘llab-quvvatlashda o‘z vaqtida murojaat qilish va zarur mutaxassislik yordamini olishning ahamiyati tushuntirildi. Profilaktika inspektori Sh. Boymatov qonuniylik, fuqarolik mas’uliyati, ichki tartib-qoidalarga rioya etish va jamoat tartibini saqlash masalalariga to‘xtaldi. Talabalar o‘rtasida huquqbuzarliklarning oldini olish, mas’uliyatli xulq-atvorni shakllantirish hamda xavfsiz yashash muhitini ta’minlashning ahamiyati ta’kidlandi. UWED FORCE jamoatchilik guruhi ishtiroki esa talaba-yoshlar o‘rtasida hamjihatlikni mustahkamlash, jamoaviy faollikni oshirish va universitet hayotidagi ijtimoiy tashabbuslarni qo‘llab-quvvatlashga qaratilgan hamkorlikning muhimligini namoyon etdi. Uchrashuvda talabalar turar joyida mas’uliyat, tartib-intizom va o‘zaro hurmat muhitini mustahkamlash, bo‘sh vaqtni mazmunli tashkil etish, ma’naviy-ma’rifiy tadbirlarda faol qatnashish hamda yoshlarning tashabbuslarini qo‘llab-quvvatlash masalalari ham muhokama qilindi. Mazkur uchrashuv JIDUda talabalarni har tomonlama qo‘llab-quvvatlash, ularning ehtiyoj va murojaatlarini o‘rganish, ma’naviy-ma’rifiy rivojlanishi uchun qulay sharoit yaratish hamda talabalar turar joyida sog‘lom, xavfsiz va o‘zaro hurmatga asoslangan muhitni mustahkamlash yo‘lidagi tizimli ishlarning muhim yo‘nalishlaridan biri hisoblanadi.

195