2026-yil 5-iyun kuni Jahon iqtisodiyoti va diplomatiya universiteti Siyosatshunoslik kafedrasi professor-o‘qituvchilari rahbarligida Xalqaro munosabatlar fakulteti talabalari uchun bilimlar bellashuvi – viktorina tashkil etildi. Mazkur tadbirning asosiy maqsadi talabalarning siyosiy savodxonligini oshirish, siyosiy jarayonlarni tahlil qilish qobiliyatlarini rivojlantirish hamda qaror qabul qilish ko‘nikmalarini mustahkamlashdan iborat bo‘ldi. Viktorina Birlashgan Millatlar Tashkiloti tomonidan belgilangan Barqaror rivojlanish maqsadlarining 4-maqsadi – “Sifatli ta’lim” yo‘nalishi doirasida talabalarning nazariy bilimlarini amaliy faoliyat bilan uyg‘unlashtirish va ularning intellektual salohiyatini rivojlantirishga xizmat qilishga qaratilgan. Shuningdek, tadbir davomida siyosiy institutlar faoliyati, qonun ustuvorligi, davlat boshqaruvi mexanizmlari hamda zamonaviy global siyosiy jarayonlarga oid savollar orqali talabalarning sohaga oid bilim va ko‘nikmalari sinovdan o‘tkazildi. Bu jihatdan mazkur tashabbus Barqaror rivojlanish maqsadlarining 16-maqsadi – “Tinchlik, adolat va samarali institutlar” yo‘nalishiga hamohang ravishda amalga oshirildi. Viktorina jarayonida ishtirokchilar xalqaro tashkilotlar faoliyati, global boshqaruv tizimlari va zamonaviy siyosiy tendensiyalar bo‘yicha o‘z bilimlarini namoyish etdilar. Tadbir yakunida yuqori natijalarni qayd etgan hamda faol ishtirok etgan talabalarga sertifikatlar topshirildi. Mazkur tadbir talabalarning siyosiy madaniyati va fuqarolik faolligini yuksaltirish, ularning ijtimoiy-siyosiy jarayonlarga daxldorlik hissini kuchaytirish hamda zamonaviy xalqaro munosabatlar va boshqaruv masalalariga oid bilimlarini yanada boyitishga xizmat qildi.
Joriy yilning 2-iyun kuni Jahon iqtisodiyoti va diplomatiya universiteti O‘zbek va rus tillari kafedrasi bir qator o‘qituvchilari hamda talabalari Respublika bolalar onkologiya markaziga tashrif buyurib, u yerda davolanayotgan bolalar bilan uchrashuv o‘tkazdilar. Tashrif davomida bolalarga sovg‘alar topshirildi. Sovg‘alar ularga quvonch ulashib, ko‘tarinki kayfiyat bag‘ishladi. Talabalarning ezgu tashabbusi bolalar va ularning ota-onalari tomonidan mamnuniyat bilan kutib olindi. Tadbir talabalarda mehr-oqibat, insonparvarlik va ijtimoiy mas‘uliyat tuyg‘ularini yanada mustahkamlashga xizmat qildi.
Bugungi kunda ta’lim jarayonida oila, mahalla va ta’lim muassasalari o‘rtasidagi hamkorlik muhim o‘rin tutadi. Ularning samarali aloqalari yosh avlodning ma’naviy va ijtimoiy rivojlanishida, sog‘lom jamiyat barpo etilishida katta ahamiyatga ega. Joriy yilning 2 iyun sanasida Yevropa va turkiy tillar kafedrasi o‘qituvchilari Xodjayeva Xurshida, Xayrullayeva Nargiza hamda Sodiqova Mahbuba tomonidan JIDU otaliqqa olgan “Olmachi” mahalla fuqarolar yig‘inida xayriya tadbiri tashkil etildi. Mazkur xayriya tadbiri “Oila–mahalla–ta’lim muassasasi” hamkorligini yanada mustahkamlash, ijtimoiy himoyaga muhtoj va kam ta’minlangan oilalarni qo‘llab-quvvatlash, shuningdek, jamiyatda mehr-oqibat, saxovat va hamjihatlik muhitini keng targ‘ib etish maqsadida o‘tkazildi.Tadbir davomida ehtiyojmand oilalarga oziq-ovqat mahsulotlari hamda pul mablag‘lari ko‘rinishida moddiy yordam ko‘rsatildi. Ushbu tashabbus o‘qituvchilarning ijtimoiy mas’uliyati, insonparvarlik fazilatlari va mahalla hayotidagi faol ishtirokining amaliy ifodasi bo‘ldi. “Olmachi” MFY vakillari hamda yordam olgan fuqarolar ko‘rsatilgan e’tibor va amaliy ko‘mak uchun Yevropa va turkiy tillar kafedrasi o‘qituvchilariga samimiy minnatdorlik bildirdilar. Bunday ezgu ishlar mahalla aholisi bilan ta’lim muassasasi o‘rtasidagi hamkorlikni yanada kuchaytirishga xizmat qilishi alohida ta’kidlandi. Ushbu hayriya tadbiri 2015-yilda Birlashgan Millatlar Tashkiloti (BMT) tomonidan qabul qilingan qashshoqlikka barham berish, sayyoramizni himoya qilish va barcha insonlarning tinchlik hamda farovonlikda yashashini ta’minlashga qaratilgan 17 ta global maqsadlarning, Qashshoqlikka barham berish (SDG 1), hamda, Ochlikni tugatish (SDG 2) yo‘nalishlariga qaratildi. Ta’kidlash joizki, xayriya va mehr-muruvvat tadbirlari jamiyatda o‘zaro yordam, ijtimoiy birdamlik va mas’uliyat tuyg‘ularini mustahkamlashda muhim ahamiyat kasb etadi.
Jahon iqtisodiyoti va diplomatiya universitetida Barqaror rivojlanish maqsadlarining 9-, 11- va 17-maqsadlari doirasida “Talabalar innovatsion g‘oyalari ko‘rgazmasi” bo‘lib o‘tdi. Tadbir “Mintaqashunoslik” fani doirasida “Xalqaro munosabatlar” fakultetining 2-bosqich talabalari ishtirokida tashkil etildi. Ko‘rgazmada 100 ga yaqin talabalar o‘zlarining innovatsion ishlanmalari, kreativ loyihalari hamda ilmiy-amaliy g‘oyalari bilan qatnashdi. Tadbir doirasida “Eng yaxshi ishlanma” ko‘rik-tanlovi ham o‘tkazilib, talabalarning tahliliy va amaliy yondashuvlari baholandi. Tadbirning asosiy maqsadi barqaror rivojlanishga xizmat qiluvchi xalqaro transport koridorlarini tadqiq etish, ularning logistika yo‘nalishlari va faoliyat mexanizmlarini o‘rganish, mavjud muammolarni tahlil qilish hamda innovatsion yechimlar ishlab chiqishdan iborat bo‘ldi. Ko‘rgazma davomida talabalar ekologik toza va sog‘lom turmush tarziga xizmat qiluvchi mahsulotlar hamda zamonaviy innovatsion ishlanmalarni namoyish etdilar. Tanlovda taqdim etilgan loyihalarda mavjud transport koridorlari, asosiy marshrutlar, ishtirokchi davlatlar manfaatlari, ushbu loyihalarning shaharlar rivojlanishidagi o‘rni, geosiyosiy hamkorlikdagi ahamiyati hamda istiqbolda xalqaro tinchlik va barqarorlikni ta’minlashdagi roli yoritildi. Shuningdek, tadbir talabalarning Barqaror rivojlanish maqsadlari bo‘yicha bilim va ko‘nikmalarini amaliy jihatdan namoyon etishlari uchun muhim platforma vazifasini o‘tadi. Ko‘rgazmada milliy va xorijiy guruh talabalari faol ishtirok etib, bu esa tadbirning xalqaro va akademik muhitini yanada boyitdi. Mazkur tashabbus talabalarning ilmiy-innovatsion faoliyatga bo‘lgan qiziqishi va ijodiy yondashuvini oshirishga xizmat qildi.
Jahon iqtisodiyoti va diplomatiya universitetida ta’lim sifatini oshirish, talabalarning ilmiy-tadqiqot faoliyatini rag‘batlantirish hamda Barqaror rivojlanish maqsadlari (BRM) dasturi doirasida belgilangan ustuvor vazifalarni amalga oshirish maqsadida “Mehnat nizolarini hal qilish: nazariya va amaliyot” mavzusidagi respublika ilmiy-amaliy konferensiyasi doirasida talabalar o‘rtasida ilmiy maqola va tezislar tanlovi tashkil etildi. Mazkur tanlov universitet talabalari o‘rtasida mehnat huquqi va mehnat nizolarini hal etishning dolzarb masalalari bo‘yicha ilmiy izlanishlarni qo‘llab-quvvatlash, hamda yosh tadqiqotchilarning akademik yozuv ko‘nikmalarini rivojlantirishga qaratildi. Tanlov “Fuqarolik huquqi va xalqaro xususiy-huquqiy fanlar” kafedrasi mudiri Masadikov Sherzodbek hamda ushbu kafedra o‘qituvchisi Umirzoqov Shohrux rahbarligida o‘tkazildi. Taqdim etilgan ilmiy ishlar dolzarblik, ilmiy yangilik, huquqiy asoslanganlik, tahliliy yondashuv hamda amaliy ahamiyat mezonlari asosida baholandi. Yakuniy natijalarga ko‘ra, yuqori ilmiy saviya va mustaqil yondashuvni namoyon etgan talabalar sertifikat bilan taqdirlandilar. Mazkur tanlovning o‘tkazilishi Barqaror rivojlanish maqsadlari doirasidagi 16-maqsad “Tinchliksevar va inklyuziv jamiyat qurishga ko‘maklashish, barcha uchun odil sudlovdan foydalanishni ta’minlash hamda barcha darajalarda samarali, hisobdor va inklyuziv institutlarni shakllantirish”, xususan, qonun ustuvorligini ta’minlash va barcha uchun odil sudlovga teng imkoniyat yaratishga qaratilgan 16.3-vazifani amalga oshirishga xizmat qiladi.
2026-yil 15-may kuni Jahon iqtisodiyoti va diplomatiya universitetida “The Day of Silence” — “Sokinlik kuni” nomli inklyuziv muloqot tashabbusi tashkil etildi. Mazkur tadbir universitet talabalari o‘rtasida inklyuziv muloqot madaniyatini rivojlantirish, imkoniyati cheklangan insonlar bilan o‘zaro tushunish, mehr-oqibat va bag‘rikenglik muhitini mustahkamlash maqsadida o‘tkazildi. Shuningdek, loyiha doirasida talaba-yoshlarga kundalik hayotda qo‘llaniladigan asosiy imo-ishora tili elementlarini o‘rgatishga alohida e’tibor qaratildi. Tashabbus JIDU Ingliz tili kafedrasi o‘qituvchilari hamda “Xalqaro iqtisodiyot va menejment” fakultetining 1-kurs talabalari tomonidan tashkil etildi. Tadbirda universitet talabalari faol ishtirok etib, muloqotning so‘zlardan tashqari shakllari, xususan, imo-ishora tili orqali insonlar o‘rtasida mehr va tushunish ko‘prigini yaratish masalalari muhokama qilindi. Tadbirga tayyorgarlik jarayonida talabalar maxsus Telegram-kanal va video darsliklar orqali kundalik hayotda eng ko‘p qo‘llaniladigan 10 ta asosiy imo-ishora harakatlarini o‘rgandilar. Tadbir davomida ishtirokchilar ushbu imo-ishoralarni tashkilotchilar hamda tengdoshlari oldida namoyish etdilar. Loyiha doirasida jamiyatda inklyuziv muloqotni rivojlantirish, imkoniyati cheklangan shaxslarni qo‘llab-quvvatlash, talaba-yoshlar orasida ijtimoiy faollik, hamdardlik va bag‘rikenglik madaniyatini oshirish kabi muhim masalalarga e’tibor qaratildi. Tadbir yakunida 10 ta imo-ishora harakatini muvaffaqiyatli bajargan talabalar “Inclusion Ambassador” — “Inklyuzivlik elchisi” sertifikatlari bilan taqdirlandilar. “Sokinlik kuni” tashabbusi talabalar uchun nafaqat yangi bilim va ko‘nikmalarni egallash, balki jamiyatda tenglik, hurmat va o‘zaro qo‘llab-quvvatlash tamoyillarini chuqur anglashga xizmat qilgan mazmunli maydon bo‘ldi.
Joriy yilning 15-may kuni Jahon iqtisodiyoti va diplomatiya universiteti Ingliz tili kafedrasi o‘qituvchilari hamda “Olmachi” mahalla fuqarolar yig‘ini vakillari ishtirokida “Oila – mahalla – ta’lim muassasasi” hamkorligini yanada mustahkamlashga bag‘ishlangan uchrashuv tashkil etildi. Tadbirda kafedra professor-o‘qituvchilari R.A. Arslonbekova, D.I. Allaberganova, Z.N. Akmalova, M.X. Batirova, N.B. Tashpulatova, F.Sh. Zaripova, X.A. Amadjonov hamda “Olmachi” MFY vakillari ishtirok etdilar. Uchrashuv davomida ta’lim jarayonida oila, mahalla va ta’lim muassasasi o‘rtasidagi samarali hamkorlikning ahamiyati alohida ta’kidlandi. Ushbu hamkorlik yosh avlodning ma’naviy, ijtimoiy va intellektual rivojlanishida, shuningdek, sog‘lom va faol fuqarolik jamiyatini shakllantirishda muhim omil ekani qayd etildi. Muloqot davomida “Olmachi” MFY bilan hamkorlikda joriy yil davomida amalga oshirilgan ishlar tahlil qilindi. Xususan, kam ta’minlangan oilalar farzandlarini ingliz tili bo‘yicha o‘quv adabiyotlari bilan ta’minlash, mahalla hududidagi ijtimoiy yordamga muhtoj oilalarni qo‘llab-quvvatlash, zarur o‘quv qurollari bilan ta’minlash hamda yoshlar bilan tizimli muloqot olib borish masalalari muhokama qilindi. Shuningdek, mahallada ishsiz ayollarni qo‘llab-quvvatlash, voyaga yetmagan yoshlar orasida ta’limga qiziqishni oshirish, kam ta’minlangan oilalar farzandlarini xorijiy tillarni o‘rganishga jalb etish borasidagi mavjud muammolar va ularning yechimlari yuzasidan fikr almashildi. Hamkorlikni yanada kuchaytirish maqsadida 20–30 yosh oralig‘idagi ishsiz ayollar uchun ingliz tili mashg‘ulotlarini tashkil etish, kam ta’minlangan oilalardagi voyaga yetmagan yoshlarni ingliz tilini o‘rganishga jalb qilish, ularni zarur o‘quv qurollari bilan ta’minlash, ta’lim tizimidagi islohotlar haqida ota-onalarga muntazam ma’lumot berib borish bo‘yicha takliflar bildirildi. Bundan tashqari, mahalla faollari, oqsoqollar, professor-o‘qituvchilar, mahalla fuqarolar yig‘inlari hamda uchastka profilaktika nozirlari o‘rtasidagi hamkorlikni yanada mustahkamlash zarurligi qayd etildi. Uchrashuv yakunida “Oila – mahalla – ta’lim muassasasi” tizimidagi hamkorlikni izchil davom ettirish, taklif etilgan chora-tadbirlarni bosqichma-bosqich amalga oshirish hamda doimiy monitoring yuritish bo‘yicha kelishuvga erishildi.
Joriy yilning 15-may kuni Jahon iqtisodiyoti va diplomatiya universiteti Xalqaro huquq fakulteti 2-bosqich talabalari nemis tili o‘qituvchisi Sultonova Umeda Istatovna hamrohligida “Sport — sog‘liq garovi” shiori ostida Ekoparkka tashrif buyurdilar. Tashrif davomida talabalar ochiq havoda faol vaqt o‘tkazib, asosan voleybol o‘ynadilar. Mazkur tashrif talabalarning jismoniy faolligini oshirish, sog‘lom turmush tarziga bo‘lgan qiziqishini kuchaytirish hamda jamoaviy hamkorlik va do‘stona muhitni mustahkamlashga xizmat qildi. Shuningdek, Ekoparkdagi hamrohlar ko‘tarinki kayfiyat va ijobiy taassurotlar ulashdi. Bunday tashabbuslar yoshlar o‘rtasida sportga bo‘lgan qiziqishni oshirish va sog‘lom hayot tarzini targ‘ib qilishda muhim ahamiyat kasb etadi.
2026-yilning 13-14-may kunlari Jahon iqtisodiyoti va diplomatiya universiteti “Xalqaro huquq” fakulteti talabalari “Xalqaro huquq va ommaviy-huquqiy fanlar” kafedrasi o‘qituvchisi Naubaxar Uzakbaeva rahbarligida Muhammad al-Xorazmiy nomidagi Toshkent axborot texnologiyalari universitetida o‘tkazilgan “Jinoiy daromadlarni legallashtirish va terrorizmni moliyalashtirishga qarshi kurashish sohasida ta’lim va karyera” mavzusidagi xalqaro davra suhbati va ta’lim ko‘rgazmasida ishtirok etdilar. Tadbir Xalqaro tarmoq instituti va O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti bilan hamkorlikda tashkil etildi. Tadbirda Rossiya va O‘zbekistonning yetakchi oliy ta’lim muassasalari, tegishli davlat organlari, xalqaro tashkilotlar vakillari, shuningdek, moliyaviy xavfsizlik, jinoiy daromadlarni legallashtirishga va terrorizmni moliyalashtirishga qarshi kurashish sohasidagi ekspertlar ishtirok etdi. Uchrashuvlar davomida milliy moliyaviy razvedka tizimlari uchun mutaxassislarni tayyorlashga zamonaviy yondashuvlar, ta’lim dasturlariga raqamli texnologiyalar va sun’iy intellektni joriy etish, shuningdek, yoshlarning moliyaviy savodxonligini oshirish masalalari muhokama qilindi. Jahon iqtisodiyoti va diplomatiya universiteti talabalari davra suhbati, mahorat darslari va interaktiv sessiyalarda yuqori faollik ko‘rsatdilar. Moliyaviy tekshiruvlarni modellashtirish uchun mo‘ljallangan "Grafus" o‘quv tizimi tinglovchilarda alohida qiziqish uyg‘otdi. Ishtirokchilar shubhali operatsiyalarni tahlil qilish, pul mablag‘larining noqonuniy harakati sxemalarini aniqlash va zamonaviy raqamli vositalarni o‘yin va amaliyotga yo‘naltirilgan shaklda qo‘llash orqali o‘zlarini haqiqiy moliyaviy razvedkachilardek his qilish imkoniyatiga ega bo‘ldilar. Ko‘rgazma doirasida talabalar Xalqaro tarmoq instituti ishtirokchi oliy ta’lim muassasalarining ta’lim dasturlari, akademik mobillik istiqbollari va huquq, iqtisodiyot, kiberxavfsizlik va raqamli texnologiyalar sohasidagi xalqaro loyihalar bilan ham tanishdilar. Jahon iqtisodiyoti va diplomatiya universiteti talabalarining ushbu tadbirda ishtirok etishi BMTning Barqaror rivojlanish maqsadlari, xususan, 4-BRM - zamonaviy kasbiy kompetensiyalarni rivojlantirish va amaliyotga yo‘naltirilgan ta’lim orqali "Sifatli ta’lim," 8-BRM - moliyaviy xavfsizlik sohasida malakali kadrlar tayyorlash orqali "Munosib ish va iqtisodiy o‘sish," 16-BRM - "Tinchlik, odil sudlov va samarali institutlar" - qonuniylik madaniyatini shakllantirish, moliyaviy jinoyatlarga qarshi kurashish sohasida xalqaro hamkorlikni mustahkamlash orqali amalga oshirishga mos keladi. Tadbir professional muloqot, tajriba almashish va yoshlarni moliyaviy xavfsizlik va huquq-tartibotni ta’minlashning zamonaviy mexanizmlarini rivojlantirishga jalb qilish uchun muhim maydonga aylandi.
2026-yil 13-may kuni Jahon iqtisodiyoti va diplomatiya universitetida 1-kurs talabalari uchun Barqaror rivojlanish maqsadlari (BRM) bo‘yicha davra suhbati bo‘lib o‘tdi. Siyosatshunoslik kafedrasi professor-o‘qituvchilari M. Abduraxmanovа, X. Maratovа va M. Alijonov ishtirokida o‘tkazilgan tadbir yoshlarning zamonaviy global muammolar va barqaror rivojlanishga erishishda har bir shaxsning roli haqida xabardorligini oshirishga qaratilgan. Davra suhbati davomida Siyosatshunoslik kafedrasi professor-o‘qituvchilari talabalarni Birlashgan Millatlar Tashkiloti tomonidan qabul qilingan Barqaror rivojlanish maqsadlarining asosiy yo‘nalishlari bilan tanishtirdilar va ekologiya, ijtimoiy adolat, sifatli ta'lim va xalqaro hamkorlikning dolzarb masalalarini muhokama qildilar. BRMlarni amalga oshirishda, fuqarolik mas'uliyatini rivojlantirishda va talabalar o‘rtasida faol turmush tarzini shakllantirishda yoshlarning roliga alohida e'tibor qaratildi. ‘ Tadbir davomida ishtirokchilar fikr almashdilar, savollar berishdi va barqaror kelajakka erishish yo‘llari bo‘yicha muhokamada ishtirok etishdi. Bunday tadbirlar talabalarning dunyoqarashini kengaytirishga, analitik fikrlashni rivojlantirishga va zamonaviy xalqaro va ijtimoiy-siyosiy jarayonlarga qiziqishni oshirishga yordam beradi.
2026-yil 13-may kuni Jahon iqtisodiyoti va diplomatiya universiteti Xalqaro munosabatlar fakulteti dekani M. Abdullayeva hamda “Siyosatshunoslik” kafedrasi o‘qituvchilari M. Abduraxmanova, N. Kushayeva va D. Xudoyberganovalar tomonidan “Barqaror rivojlanish maqsadlari (BRM) bo‘yicha talabalar forumi – 2026” tashkil etildi. Forum davomida ishtirokchilar o‘z ilmiy izlanishlari asosida zamonaviy global muammolarni tahlil qilish, ularning sabab va oqibatlarini yoritib berish hamda amaliy yechimlar bo‘yicha takliflar ishlab chiqish imkoniyatiga ega bo‘ldilar. Talabalar turli davlatlar tajribasini o‘rganib, ularning Barqaror rivojlanish maqsadlarini amalga oshirishdagi yondashuvlarini qiyosiy tahlil qildilar hamda mavjud muammolar yuzasidan o‘z yechim va takliflarini izohlab berdilar. Tadbir doirasida ekologik xavfsizlik, ijtimoiy tenglik, kambag‘allikni qisqartirish, ta’lim sifati, gender tengligi va xalqaro hamkorlik masalalariga alohida e’tibor qaratildi. Forum yosh tadqiqotchilar uchun ilmiy muloqot maydoniga aylanib, talabalar o‘rtasida innovatsion va tanqidiy fikrlashni rivojlantirishga xizmat qildi. Ishtirokchilar tomonidan tayyorlangan tezislar ekspertlar tomonidan saralanib, eng yaxshi ilmiy ishlar bir nechta nominatsiyalar asosida taqdirlandi. Tadbir yakunida Barqaror rivojlanish maqsadlarini amalga oshirishda yoshlarning o‘rni va tashabbuslarini qo‘llab-quvvatlash muhimligi alohida ta’kidlandi.
2026-yil 13-mayda Jahon iqtisodiyoti va diplomatiya universitetining “Xalqaro arbitraj va nizolarni hal etish” yo‘nalishi magistrantlari uchun Investitsiya shartnomalari arbitraji va ICC jarayoniga bag‘ishlangan mahorat darsi tashkil etildi. Mahorat darsini Nyu-Yorkda faoliyat yurituvchi huquqshunos Aakansha Dave olib bordi. Uning professional tajribasi AQSH, Hindiston va Yevropaning turli yurisdiktsiyalarida immigratsiya va transchegaraviy huquqiy masalalarni qamrab oladi. Dave xonim Nyu-Yorkdagi ICC Arbitraj (Xalqaro Savdo Palatasining Arbitraj sudi) Case Management Team jamoasida ishlagan. Ushbu lavozimda u turli sohalardagi arbitraj jarayonlarini tahlil qilgan va ICC qoidalari bo‘yicha protsessual yangilanishlarni o‘rgangan. Dunyodagi yetakchi arbitraj institutlaridan birida qo‘lga kiritilgan ushbu amaliy tajriba talabalarga nizolarni boshqarish – ishlarni yuritishdan tortib, institutsional qoidalarni qo‘llashgacha bo‘lgan jarayonlar haqida qimmatli maʼlumot berdi. Mahorat darsi Universitetning “Fuqarolik huquqi va xalqaro xususiy huquq fanlari” kafedrasi shogird-o‘qituvchisi Rushana Saʼdullayeva tomonidan tashkil etildi. Ushbu tadbir akademik muloqotni rivojlantirishga, nazariya va amaliyot o‘rtasidagi bog‘liqlikni mustahkamlashga va taʼlim jarayonini takomillashtirishga muhim hissa qo‘shdi. Tadbir, shuningdek, BMTning Barqaror rivojlanish maqsadi 17 – “Maqsadlar uchun hamkorlik”, xususan, fan, texnologiya va innovatsiyalar sohasida xalqaro hamkorlikni rivojlantirishga chaqiruvchi 17.6-maqsadga mos keladi.
