Joriy yilning 30-sentabr kuni Jahon iqtisodiyoti va diplomatiya universitetida 1-oktabr - O‘qituvchi va murabbiylar kuniga bag‘ishlangan tantanali yig‘ilish bo‘lib o‘tdi.

O‘zbekiston Respublikasi Oliy Majlis senati raisining birinchi o‘rinbosari, JIDU rektori Sodiq Safoyev universitet professor-o‘qituvchilari va butun jamoasini bayram bilan tabrikladi.  Bayram munosabati bilan faol va samarali mehnati bilan alohida e’tirof etilgan 9 nafar o‘qituvchi va murabbiylarga faxriy yorliq va pul mukofotlari topshirildi.

Xalqaro hamkorlikni rivojlantirish va tashqi aloqalarni mustahkamlashga qo‘shgan salmoqli hissasi uchun universitetning bir qator xodimlariga diplomatik martaba berildi.

Shuningdek, O‘zbekiston Respublikasi Tashqi ishlar vazirligi tomonidan ta’sis etilgan, diplomatiya sohasidagi taqsinga sazovor mehnati uchun “Diplomatik xizmat fidoyisi” ko‘krak nishoni va qimmatbaho sovg‘alar bilan 5 nafar xodimlar taqdirlandi.

Tadbir davomida JIDU bitiruvchi talabalar tomonidan ustozlar haqida videorolik tayyorlanib barchaga namoiy etildi. Tantanali yig‘ilish ko‘tarinki ruhda bo‘lib o‘tdi.