Joriy yilda mahallada “Mahalla va SDG: “Mahalla va SDG: Barqaror rivojlanish maqsadlariga erishishda mahallaning o‘rni” mavzusida davra suhbati tashkil etildi. Tadbirdan ko‘zlangan asosiy maqsad mahalla institutining jamiyat taraqqiyotidagi ahamiyati, aholi farovonligini ta’minlash, ijtimoiy adolatni qaror toptirish hamda United Nations tomonidan belgilangan Barqaror rivojlanish maqsadlarini amalga oshirishdagi o‘rnini muhokama qilishdan iborat bo‘ldi.

Tadbirda professor-o‘qituvchilar, ilmiy tadqiqotchilar, talabalar, mahalla faollari va keng jamoatchilik vakillari ishtirok etdilar. Davra suhbati davomida mahalla institutining mamlakatimizda fuqarolik jamiyatini rivojlantirish, aholi muammolarini joylarda hal etish, kambag‘allikni qisqartirish, xotin-qizlar va yoshlarni qo‘llab-quvvatlash, ekologik madaniyatni yuksaltirish kabi yo‘nalishlardagi ahamiyati xususida atroflicha fikr almashildi.

Shuningdek, Soliyev Dilshod va Isroilova Zarina tomonidan mahalla tizimi faoliyatiga raqamli texnologiyalarni joriy etish, aholi bilan manzilli ishlash samaradorligini oshirish, ijtimoiy xizmatlar sifatini yaxshilash hamda “yashil mahalla” tamoyillarini keng tatbiq etish bo‘yicha taklif va tavsiyalar bildirildi.

Tadbir yakunida mahalla instituti aholiga eng yaqin va ta’sirchan tuzilma sifatida Barqaror rivojlanish maqsadlariga erishishda muhim o‘rin tutishi, uning imkoniyatlaridan samarali foydalanish esa mamlakat taraqqiyoti va inson qadrini ta’minlashga xizmat qilishi ta’kidlandi.