Joriy yilning 26-noyabr kuni Jahon iqtisodiyoti va diplomatiya universitetida koreys alifbosining tug‘ilgan kuniga bag‘ishlangan an’anaviy tadbir o‘tkazildi.

Tadbirda turli yoshdagi 60 dan ortiq ishtirokchi, shu jumladan 71-sonli umumiy o‘rta ta’lim maktabi o‘quvchilari ham qatnashdi.

Tadbir davomida ishtirokchilar koreys yozuvining o‘ziga xos xususiyatlarini o‘rganib, Hangil (한글날) alifbosining yaratilish tarixi bilan tanishish imkoniyatiga ega bo‘ldilar. Shuningdek, ular Janubiy Koreya kundalik hayotining eng muhim jihatlaridan biri bo‘lgan xanbok (한복) milliy an’anaviy libosi tarixiga ham nazar soldilar.

Bunday tashabbuslar madaniyatlararo aloqalarni mustahkamlash, madaniy, diniy va til xilma-xilligiga nisbatan bag‘rikenglikni oshirishga xizmat qiladi.