Joriy yilning 2025-yil 7-noyabr va 13-noyabr kunlari Jahon iqtisodiyoti va diplomatiya universiteti “Xalqaro huquq va ommaviy huquq fanlari” kafedrasi professori I.Xamedov va katta o‘qituvchi D.Soliyev tashabbusi bilan “Xalqaro huquq” fakulteti talabalari uchun Ma‘muriy ishlar bo‘yicha Toshkent shahar sudida navbatdagi amaliy darslar tashkil etildi. Bu tadbirlar talabalarning amaliy ko‘nikmalarini oshirish va ularni O‘zbekistonning ma‘muriy adliya tizimi bilan yaqindan tanishtirishga qaratilgan bo‘ldi.

Ikki kunlik amaliy mashg‘ulotlar davomida JIDU talabalari Ma’muriy ishlar bo‘yicha Toshkent shahar sudining faoliyati, ma’muriy sud ishlarini yuritish tartibi va ma’muriy ish yuritish bo‘yicha ishlarni ko‘rib chiqish jarayonlari bilan tanishishdi.

Asosiy e’tibor quyidagilarga qaratildi:

Sud majlislarini kuzatish: Talabalar ma’muriy organlarning qarorlari, harakatlari (harakatsizligi) ustidan berilgan shikoyatlarni ko‘rib chiqish bo‘yicha real sud jarayonlarida ishtirok etishdi.

Protsessual tartib: Ma’muriy ishlar bo‘yicha sud protsessida ishtirokchilarning huquq va majburiyatlari, dalillarni taqdim etish va baholash tartibi o‘rganildi.

Sudlar va davlat boshqaruvi: Ma’muriy sudlarning fuqarolarning huquqlari va erkinliklarini himoya qilishdagi roli, davlat organlari faoliyatining qonuniyligini ta’minlashdagi ahamiyati tushuntirildi.

Professor I. Xamedov va katta o‘qituvchi D. Soliyev tomonidan tashkil etilgan bu kabi amaliy mashg‘ulotlar talabalarga nazariy bilimlarni O‘zbekiston huquq tizimining amaliy ehtiyojlariga moslashtirish imkonini beradi.  “Xalqaro huquq” fakulteti talabalari uchun milliy ma’muriy sud amaliyotini o‘rganish, kelajakda xalqaro huquq normalarini milliy qonunchilik bilan uyg‘unlashtirish ko‘nikmasini shakllantirishda muhim qadam hisoblanadi.

JIDU bu kabi amaliyotga yo‘naltirilgan ta’lim shakllarini davom ettirish orqali yuridik kadrlarning amaliy tayyorgarlik darajasini muntazam ravishda oshirishni maqsad qilgan.