Joriy yilning 21-25-oktabr kunlari Marokashda “Yoshlarga doir qonunchilik: ko‘plab yondashuvlar” nomli xalqaro trening dasturi o‘tkazildi. Mazkur tadbirda Xalqaro munosabatlar fakulteti 4-bosqich talabasi Farangiz Iskanova O‘zbekiston delegatsiyasi a’zosi sifatida ishtirok etdi.

         Shuni alohida qayd etish lozimki, mazkur trening dasturi yoshlarga oid qonunchilikni taqdim etish va yoshlarni barqaror rivojlanish jarayoniga faol hissa qo‘shishga imkon berishga qaratilgan huquqiy va institutsional asoslarning imkoniyatlarini mustahkamlashning muhimligini, shuningdek, ularga qarorlar qabul qilishda samarali ishtirok etish imkonini beradigan qonunchilik muhitini yaratish zarurligini ta’kidlashdan iborat.

         Ma’lumot uchun: Joriy yilning 30-iyun kuni Marokash shahri Islom Hamkorlik Tashkiloti mamlakatlarining yoshlar poytaxti deb e’tirof etilib, mazkur dastur doirasidagi tadbirlarga tantanali tarzda start berilgan edi. Yil davomida ushbu dastur doirasida innovatsiya, taraqqiyot va madaniyat yo‘nalishlarida xalqaro miqyosdagi loyihalar o‘tkazilishi ko‘zda tutilgan.