2025-yil 12-oktabr kuni Jahon iqtisodiyoti va diplomatiya universiteti talabalari guruhi madaniy-ilmiy safari doirasida Buxoro viloyatida o‘tkazilgan 2025-yilgi Biennaleda faol qatnashdi. Sayohat talabalarga nafaqat tarixiy va madaniy merosni chuqurroq o‘rganish, balki zamonaviy san’at va innovatsiyalar bilan tanishish imkoniyatini yaratdi.

Tashrif chog‘ida talabalar Buxoroning qadimiy yodgorliklari: minoralar, madrasalar va muzeylarni ziyorat qilib, mintaqaning boy tarixiy merosini o‘rgandilar. Shuningdek, ular Biennaleda ishtirok etib, zamonaviy san’at asarlari, interaktiv ko‘rgazmalar va jahon bo‘ylab rassomlarning ijodiy ishlari bilan tanishdilar. Bu talabalar uchun ijodiy fikrlashni va yangi madaniy g‘oyalarni idrok etishni rivojlantirgan muhim tajribaga aylandi.

Biennale dasturiga talabalar uchun mahorat darslari, seminarlar va ijodiy uchrashuvlar kiritilgan edi. Ushbu tadbirlar talabalar o‘rtasida ijodiy hamkorlikni yo‘lga qo‘yishga, ularning san’at sohasidagi bilim va ko‘nikmalarini kengaytirishga xizmat qildi.