Joriy yilning 18-iyun kuni Jahon iqtisodiyoti va diplomatiya universitetida Xotin-qizlar maslahat kengashi raisidan iborat guruh bilan birgalikda universitet professor-oʻqituvchilari va talabalar uchun “Oʻquvchi va talaba qizlarga nisbatan tazyiq oʻtkazish yoki zoʻravonlik sodir etish holatlarini oldini olishga qaratilgan” davra suhbati oʻtkazildi.

Davra suhbatini universitet Xotin-qizlar maslahat kengashi raisi E.Sultanova olib bordi. Unda Besh muhim tashabbus markazi rahbari, professor-o‘qituvchilar, psixolog va talabalar qatnashdi.

Tadbirda E. Sultonova davlatimiz rahbarining xotin-qizlarga nisbatan e’tiborini, ularga turli imkoniyatlar yaratish, ta’lim olish, ishlash va tadbirkorlik bilan shug‘ullanish uchun sharoitlar taqdim etilishi, shuningdek, ularni turli taz’yiqlardan himoya qilish masalalariga doimiy ravishda e’tibor qaratayotganini ta’kidladi.

Davra suhbati mazmunli o‘tib, qatnashchilar o‘zlariga kerakli ma’lumotlarga ega bo‘ldilar.