JIDU professori Lund universitetida (shvetsiya) bo‘lib o‘tgan xalqaro ilmiy-amaliy konferensiyada ishtirok etdi

Amaliyot davomida 2026-yilning 5-6 may kunlari Lund Universitetida “Shimoliy tadqiqotlarni Markaziy Osiyo bo‘yicha xaritalash va poydevor yaratish” mavzusida xalqaro konferensiya o‘tkazildi. Tadbirda Shimoliy mintaqa va Markaziy Osiyodan 60 dan ortiq olimlar, diplomatlar va siyosatchilar ishtirok etdi, tadqiqot ishtirokchilar  sa’y-harakatlarini birlashtirildi va bu sohadagi strategik kamchiliklar aniqlandi.

Tadbir oltita tematik panel, yuqori darajadagi siyosat paneli va Markaziy Osiyoda Shimoliy tadqiqotlar sa’y-harakatlarini birlashtirishga mo‘ljallangan strategik yo‘l xaritasi bo‘yicha sessiyani o‘z ichiga oldi.

Ushbu xalqaro konferensiyada professor N.A. Nugmanov “Markaziy Osiyoda kiberxavfsizlik va raqamli barqarorlik” mavzusida taqdimot qildi. Taqdimotda Markaziy Osiyoda kiberxavfsizlikni rivojlantirish, sun’iy intellektdan kelib chiqadigan yangi tahdidlarning oldini olishning ilmiy va amaliy jihatlari hamda Markaziy Osiyo mamlakatlari o‘rtasida kiberxavfsizlik sohasida strategik hamkorlikni mustahkamlashga e’tibor qaratildi.

Ikkinchi kun ushbu sohadagi infratuzilmaga bag‘ishlandi va siyosat masalalari bo‘yicha yuqori darajadagi panel muhokamasini o‘z ichiga oldi. Ushbu sessiya akademik tadqiqotlarni real dunyo boshqaruvi muammolari va siyosat ehtiyojlari bilan bog‘lashga qaratilgan edi.

2026-yil 6-may kuni Lund universitetida NORCA loyihasi tomonidan tashkil etilgan xalqaro konferensiyada professor N.A. Nugmanov oʻzining “Tadqiqot va taʼlimda sunʼiy intellekt: Shimoliy mintaqa va Markaziy Osiyo oʻrtasidagi akademik hamkorlikni oʻzgartirish” nomli tadqiqot loyihasi natijalarini taqdim etdi. Taqdimotda Markaziy Osiyoda mintaqaviy hamkorlikning muvaffaqiyatini taʼminlash uchun saʼy-harakatlarni muayyan muammolarga yoʻnaltirish, taʼlimda integratsiya jarayonlarini kuchaytirish, universitetlar, ilmiy-tadqiqot institutlari va real iqtisodiyot bilan hamkorlikda dasturlar ishlab chiqish, tadqiqotlar oʻtkazish va yuqori malakali mutaxassislarni tayyorlash boʻyicha gʻoyalar taklif qilindi.

“Markaziy Osiyoda kiberxavfsizlik va raqamli barqarorlik” va “Tadqiqot va taʼlimda sunʼiy intellekt: Shimoliy mintaqa va Markaziy Osiyo oʻrtasidagi akademik hamkorlikni oʻzgartirish” mavzularidagi tadqiqot va huquqiy tahlil natijalari tadbir ishtirokchilari tomonidan yuqori baholandi.