Joriy yilning 1-aprel kuni Jahon iqtisodiyoti va diplomatiya universitetida universitet psixologi N. Norova hamda kurs koordinatori hamkorligida 3-bosqich talabalari o‘rtasida “Ijtimoiy faollik – psixologik barqarorlik – strategik maqsad” hamda “Kasb etikasi va psixologik barqarorlik” mavzularida psixologik seminar-trening tashkil etildi.

Seminar-trening maqsadi:

- ijtimoiy faollikni kuchaytirish;

- ruhiy salomatlik va tetiklikni oshirish;

- strategik maqsad qo‘yish.

Trening davomida quyidagilarga e’tibor qaratildi:

- sog‘lom muhitning ruhiy barqarorlik immunitetini mustahkamlashdagi ta’siri va ahamiyati haqida tavsiyalar va ma’lumotlarga ega bo‘lish;

- o‘zaro munosabatlarda do‘stona muhit yaratish;

- talabalarda ijtimoiy faollik va barqarorlikni mustahkamlash hamda kasb etikasi va psixologiyasi yuzasidan ma’lumot va tavsiyalar olish;

- maqsadlarni to‘g‘ri qo‘yish.

Seminar-trening jarayonida psixolog talabalarning psixologik holatini psixodiagnostik texnikalar orqali tahlil qilib, zarur tavsiyalar berdi. Talabalar faol va ijobiy ruhda ishtirok etishdi.