Jahon iqtisodiyoti va diplomatiya universitetida talaba-yoshlarning ruhiy salomatligini mustahkamlash, ularning emotsional barqarorligini oshirish, hayotiy va kasbiy maqsadlarini aniq belgilash hamda ijtimoiy faolligini kuchaytirish maqsadida universitet psixologi tomonidan barcha kurslar kesimida tizimli ravishda psixologik seminar-treninglar tashkil etilmoqda.

Mazkur haftada o‘tkazilgan mashg‘ulotlar talabalarning shaxsiy rivoji, ichki motivatsiyasi, milliy qadriyatlarga sodiqligi va sog‘lom ijtimoiy munosabatlarni shakllantirishga qaratildi.

Hafta davomida o‘tkazilgan seminar-trening mavzulari:

–        “Ruhiy barqarorlik sari – ishonch – harakat – muvaffaqiyat!”

–         “Kasb etikasi va psixologiyasi”

–         “Shaxsiy rivojlanish va o‘z-o‘zini anglashning psixologik ko‘rinishi”

–         “Hayot qadamlarim – mening buyuk kelajagim”

–         “Hayot go‘zal – chunki unda men borman”

–         “Maqsad aniq – harakatda bo‘l”

–         “Vaqtni idrok qilish”

–         “Maqsad va hayot qoidalarim”

–         “Jamiyatda bugun men”

–         “Muloqot madaniyati va psixologiyasi, o‘zaro sog‘lom munosabat – insoniylik tuyg‘ularida”

–         “Kiyinish madaniyatining psixologik ahamiyati”

–         “Milliy ruhiyat – qadriyatlar timsolida”

 Seminar-treninglarning mazmun-mohiyati

1. Ruhiy barqarorlik va maqsadga yo‘naltirilganlik

“Ruhiy barqarorlik sari – ishonch – harakat – muvaffaqiyat!”, “Hayot go‘zal – chunki unda men borman” hamda “Maqsad aniq – harakatda bo‘l” mavzularidagi treninglarda talabalarga quyidagi yo‘nalishlarda tushunchalar berildi:

–     ruhiy barqarorlikning shaxsiy muvaffaqiyatdagi o‘rni;

–         o‘ziga bo‘lgan ishonchni shakllantirish mexanizmlari;

–         muvaffaqiyatsizliklarga nisbatan to‘g‘ri munosabat;

–         ichki resurslarni aniqlash va safarbar etish;

–         maqsadni aniq qo‘yish va unga bosqichma-bosqich erishish strategiyalari.

Mashg‘ulotlar davomida talabalar o‘z oldilariga qisqa va uzoq muddatli maqsadlar qo‘yish, ularni rejalashtirish hamda amalga oshirish bo‘yicha amaliy topshiriqlarni bajarishdi.

2. Shaxsiy rivojlanish va o‘zini anglash

“Shaxsiy rivojlanish va o‘z-o‘zini anglashning psixologik ko‘rinishi”, “Maqsad va hayot qoidalarim”, “Jamiyatda bugun men” mavzulari doirasida:

–         o‘zini anglash va o‘z ustida ishlash madaniyati;

–         emotsional intellektni rivojlantirish;

–         stressni boshqarish ko‘nikmalari;

–         hayotiy qadriyatlarni aniqlash va ustuvorliklarni belgilash;

–         jamiyatda o‘z o‘rnini topish masalalari muhokama qilindi.

Interaktiv mashqlar, psixologik testlar va guruhli muhokamalar orqali talabalar o‘z shaxsiy sifatlarini tahlil qilib, rivojlanish yo‘nalishlarini belgilab oldilar.

3. Kasb etikasi va professional o‘sish

“Kasb etikasi va psixologiyasi” mavzusida talabalarga:

–         professional muhitda muloqot madaniyati;

–         kasbiy mas’uliyat va intizom;

–         yetakchilik fazilatlari;

–         xizmat etikasi va imij masalalari haqida tushunchalar berildi.

Talabalar turli kasbiy vaziyatlar asosida rolli o‘yinlar va keys-topshiriqlar orqali amaliy ko‘nikmalarni mustahkamlashdi.

4. Kiyinish madaniyati va milliy qadriyatlar

“Kiyinish madaniyatining psixologik ahamiyati” hamda “Milliy ruhiyat – qadriyatlar timsolida” mavzularidagi seminar-treninglarda quyidagi masalalar keng yoritildi:

–         kiyinishning psixologik ta’siri va shaxs imiji;

–         kasblarga xos kiyinish uslublari;

–         estetik did va madaniyat;

–         milliy ruhiyat va odob-axloq me’yorlari;

–         bag‘rikenglik, insonparvarlik va hurmat tamoyillari.

Talabalar amaliy mashg‘ulotlar davomida turli kasblar uchun mos kiyinish uslublarini tahlil qildilar, o‘z fikr-mulohazalarini bildirdilar hamda psixolog tomonidan tahliliy xulosalar berildi.

Shuningdek, milliy ruhiyatning kundalik muomalada, ayniqsa samimiy salomlashish va muomala madaniyatida namoyon bo‘lishi haqida amaliy mashqlar o‘tkazildi.

5. Muloqot madaniyati va sog‘lom psixologik muhit

“Muloqot madaniyati va psixologiyasi” mavzusida:

–         sog‘lom muloqot tamoyillari;

–         nizolarni konstruktiv hal etish usullari;

–         o‘zaro hurmat va hamkorlik;

–         jamoada ishlash madaniyati muhokama qilindi.

Talabalarga samarali tinglash, empatiya va ijobiy fikrlash ko‘nikmalarini rivojlantirish bo‘yicha tavsiyalar berildi.

Hamkorlik va ijtimoiy faollik

Psixolog N. Norova, Yoshlar ishlari ofisi mutaxassisi F. Ernazarova hamda kurs koordinatorlari hamkorligida o‘tkazilgan mashg‘ulotlarda talabalarning ijtimoiy faolligini oshirish masalasiga alohida e’tibor qaratildi.

Talabalarga universitetda faoliyat yuritayotgan klub, kurs va to‘garaklar haqida batafsil ma’lumot berildi hamda ijtimoiy faollik shaxsiy va kasbiy rivojlanishning muhim omili ekani ta’kidlandi.

 Qo‘llanilgan metodlar

–         Motivatsion texnikalar

–         Psixologik diagnostika va tahlil

–         Rolli o‘yinlar va keys-stadilar

–         Interaktiv mashqlar

–         Jamoaviy muhokamalar

–         Refleksiya va o‘z-o‘zini baholash usullari

Erishilgan natijalar

Haftalik seminar-treninglar natijasida:

–         talabalarning ruhiy barqarorligi va o‘ziga bo‘lgan ishonchi mustahkamlandi;

–         maqsad qo‘yish va rejalashtirish ko‘nikmalari rivojlandi;

–         sog‘lom psixologik muhitni shakllantirishga hissa qo‘shildi;

–         ijtimoiy faollik va jamoaviy ishlash madaniyati kuchaydi;

–         milliy qadriyatlarga hurmat va mas’uliyat hissi yanada mustahkamlandi.

Mazkur seminar-treninglar talaba-yoshlarning har tomonlama barkamol shaxs sifatida shakllanishi, ularning kasbiy va hayotiy muvaffaqiyat sari ishonch bilan intilishida muhim omil bo‘lib xizmat qilmoqda.