Joriy yilning 22-dekabr kuni Jahon iqtisodiyoti va diplomatiya universiteti (JIDU) yotoqxonasida “Siyosatshunoslik” fani doirasida talabalar ishtirokida o‘quv debatlar tashkil etildi. Tadbir davomida ishtirokchilar siyosiy fanlar sohasidagi bilimlarini namoyon etib, savol-javob va bahs-munozara formatida faol ishtirok etdilar.

Mazkur munozaralar talabalarning nazariy bilimlarini mustahkamlashga, tahliliy va tanqidiy fikrlash ko‘nikmalarini rivojlantirishga, nutq madaniyati va muloqot mahoratini takomillashtirishga, shuningdek, fan bo‘yicha qiziqishni oshirishga xizmat qildi. Tadbir yakunida faol ishtirok etgan talabalarga tashkilotchilar tomonidan sertifikatlar topshirildi.