2025-yil 24-noyabr kuni Jahon iqtisodiyoti va diplomatiya universitetida Markaziy Osiyoda mintaqaviy hamkorlikning dolzarb masalalari va bu jarayonda Qozog‘iston Respublikasining roliga bag‘ishlangan mehmon ma’ruzasi bo‘lib o‘tdi.

Tadbir spikerlari L.N. Gumilyov nomidagi Yevroosiyo Milliy universiteti Xalqaro munosabatlar fakultetining “Mintaqashunoslik’ ixtisosligi doktorantlari Atayeva Tokjan va Shadayeva Sholpan bo‘ldi. Yevroosiyo Milliy universiteti QS jahon reytingida 321- o‘rinni egallaydi, bu esa taklif etilgan doktorantlarning yuqori akademik darajasini qayd etadi.

Ma’ruza davomida doktorantlar Markaziy Osiyo davlatlari hamkorligining zamonaviy tendensiyalariga batafsil to‘xtalib, mintaqadagi siyosiy va iqtisodiy hamkorlikning o‘ziga xos xususiyatlarini ochib berdilar, shuningdek, integratsiya jarayonlarini rivojlantirishda Qozog‘istonning rolini ta’kidladilar. Davlatlararo aloqalarni mustahkamlashga ta’sir ko‘rsatadigan yirik infratuzilma loyihalari, yangi diplomatik tashabbuslar va xalqaro tashkilotlarning ahamiyati muhokama qilindi. Markaziy Osiyo mamlakatlarining savdo-iqtisodiy dinamikasi, logistika yo‘nalishlari, ta’lim almashinuvi va shakllanayotgan o‘zaro bog‘liqlik tahliliga alohida e’tibor qaratildi.

Ma’ruzadan so‘ng qizg‘in munozara bo‘lib o‘tdi. Talabalar va professor-o‘qituvchilar mintaqaviy integratsiya istiqbollari, geosiyosiy beqarorlik sharoitida Markaziy Osiyoning raqobatbardoshligi va mamlakatlar o‘rtasidagi hamkorlikning keyingi imkoniyatlari haqida savollar berishdi. Ishtirokchilar ko‘tarilgan mavzularning dolzarbligi va mintaqada sodir bo‘layotgan jarayonlarni tushunish uchun ma’ruzaning amaliy ahamiyatini ta’kidladilar.

Ma’lumot uchun: 2025–2026 o‘quv yilida Jahon iqtisodiyoti va diplomatiya universiteti hamda L.N. Gumilyov nomidagi Yevroosiyo milliy universiteti o‘rtasidagi hamkorlik doirasida JIDU doktorlik dissertatsiyalari yo‘nalishlari bo‘yicha tadqiqotlarini o‘tkazish uchun ikki nafar yosh tadqiqotchini qabul qildi.

Tadqiqotchilar To‘kjan Atayeva va Sholpan Shadayeva bir oy davomida universitet bazasida ishladilar va ma’lumot to‘plash, ilmiy almashinuv hamda professor-o‘qituvchilar tarkibi bilan yaqindan hamkorlik qilishlari uchun barcha zarur shart-sharoitlar yaratildi.

Ushbu tashabbus ikki universitet o‘rtasidagi o‘zaro akademik hamkorlikni rivojlantirish va ilmiy aloqalarni mustahkamlash yo‘lida muhim qadam bo‘ldi.