Jahon iqtisodiyoti va diplomatiya universiteti Jahon iqtisodiyoti va diplomatiya universiteti (UWED/JIDU) Sport klubi tomonidan “Elobod”, “Buyuk Ipak yo‘li”, “Olmachi” va “Yangi Olmachi” mahallalari o‘rtasida shaxmat musobaqasi tashkil etildi. 

Musobaqa davomida yoshlar va mahalla faxriylari zukkolik, diqqat-e’tibor hamda mantiqiy fikrlash qobiliyatlarini namoyon etdilar. G‘oliblar Sport klubi tomonidan esdalik sovg‘alari bilan taqdirlandi. 

Mazkur tashabbus sport va intellektual o‘yinlar orqali sog‘lom turmush tarzini targ‘ib etish, turli avlod vakillarini birlashtirish hamda mahalla bilan hamkorlikni kuchaytirishga xizmat qilib, barqaror rivojlanish kun tartibidagi ijtimoiy farovonlik, inklyuzivlik va hamkorlik yo‘nalishlari bilan uyg‘un hisoblanadi.