Test Title

Joriy yilning 5-aprel kuni soat 10:00 da JIDU Anjumanlar zali (SOK) binosida Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar instituti tomonidan “Yevropa Ittifoqi, Markaziy Osiyo va Afg‘oniston: strategik sheriklik va hamkorlik istiqbollari” nomli ilmiy-amaliy konferensiya tashkil etiladi. Ushbu konferensiyada IXTI va Diplomatik akademiya ilmiy xodimlari, universitet professor-o‘qituvchilari, doktorantura, magistratura va bakalavriat talabalari ishtirok etishi ko‘zda tutilgan. Barcha qiziquvchi talabalarni mazkur tadbirga taklif etamiz.

Hurmatli talabalar! Talabalarning ijtimoiy faolligini oshirish hamda talaba-yoshlar orasida kitobxonlikni keng targ‘ib qilish maqsadida universitetda 9-aprel kuni “Yosh kitobxon talabalar ligasi” tanlovi o‘tkaziladi. Jadidlar hayotini qanchalik puxta o‘rganganligingizni sinovdan o‘tkazib, ularning ibratli hayot yo‘lini talaba yoshlar orasida keng targ‘ib qilish va munosib rag‘batlantirish maqsadida o‘tkazilayotgan ushbu tanlovda har bir fakultetdan 6 kishilik tarkibda tuzilgan bittadan jamoa shakllantirilishi talab etiladi. Ushbu jamoa fakultetlararo o‘zaro 2 shart asosida bellashadilar.   Ro‘yxatdan o‘tish oxirgi muddati: 4-aprel. Qo‘shimcha ma’lumot uchun: Yoshlar ittifoqi xonasi (B bino 1-qavat, 2-oynali xona)ga murojaat qilishingiz mumkin.

Hurmatli talabalar! Bugun ekologik muammolar haqida gap ketar ekan, chiqindi masalasi eng asosiy o‘rinlarga chiqadi. Chunki belgilanmagan joyga chiqindi tashlash, chiqindini qayta ishlash va shu kabi masalalar bugun nihoyatda dolzarb ahamiyat kasb etib, atrof-muhitga salbiy ta’sir ko‘rsatmoqda. Shu bois, aholining chiqindiga bo‘lgan munosabatini o‘zgartirish uchun esa targ‘ibot ishlari, turli aksiyalar muhim ahamiyat kasb etadi. 30-mart “Chiqindisiz dunyo uchun xalqaro kun” hamda 1-aprel “Xalqaro qushlar kuni” munosabati bilan “CHIQINDISIZ DUNYO UCHUN” mavzusida eko aksiya va “Qushlarni asraylik” nomli tanlov bo‘lib o‘tadi. Atrof-muhitni tozaligiga befarq bo‘lmagan talabalar ushbu aksiyada faol ishtirok etishingizni so‘raymiz! Yurtimiz obodligiga hissa qo‘shing!

Jahon iqtisodiyoti va diplomatiya universitetida (JIDU) IELTS testiga ro‘yxatdan o‘tish markazi faoliyat ko‘rsatadi. Markaz JIDU va Britaniya Kengashi (British Council) o‘rtasida imzolangan kelishuvga muvofiq faoliyat olib boradi. Markaz IELTS testiga rasmiy ro‘yxatdan o‘tish uchun hujjatlarni tayyorlash bo‘yicha malakali bepul xizmatlar ko‘rsatadi. Maslahatchilar barcha zarur yordam va maslahatlarni taqdim etadilar.  Ro‘yxatdan o‘tish markazi manzili: Mustaqillik shoh ko‘chasi, 54. B korpus 206 auditoriya, Dushanba-juma soat 9:00 dan 17:00 gacha, shanba 09:00 dan 13.00 gacha. Batafsil ma’lumot uchun quyidagi raqamga murojaat qiling:  +998(33)176-50-00 / telegram: @xorijiy_tillar_markazi

2021-yil 10-mart soat 09.30 da Jahon iqtisodiyoti va diplomatiya universiteti (JOQ) majlislar zalida O‘zbekiston Respublikasi Tashqi ishlar vazirligi bilan birgalikda “Tashkiliy va diplomatiya universiteti” mavzusida ilmiy-amaliy konferensiya bo‘lib o‘tadi. O‘zbekistonning JSTga a’zo bo‘lishining huquqiy masalalari: holati, muammolari va istiqbollari”. Anjumanda tegishli vazirlik va oliy o‘quv yurtlari vakillari, professor-o‘qituvchilar va tadqiqotchilar ishtirok etadi. Barchani ushbu anjumanga taklif qilamiz.

2021-yil 2-mart kuni soat 15:00 da (Toshkent vaqti bilan) JIDU talabalari va professor-o‘qituvchilari uchun SOK majlislar zalida onlayn ma’ruza bo‘lib o‘tadi. Asosiy ma'ruzachi: Ilgar Velizade, "Janubiy Kavkaz" siyosatshunoslar klubi rahbari. Ushbu tadbir davomida siyosatshunos Kaspiy mintaqasidagi mavjud jarayonlar, iqtisodiy muammolar, transport yo‘laklari va boshqalar haqida o‘z qarashlari va baholari bilan o‘rtoqlashadi.

Oʻzbekiston Respublikasi Vazirlar Mahkamasi huzuridagi Din ishlari qoʻmitasi mutaxassisi Nodir Shomirzayevning "Milliy Qadriyatlar-yod gʻoyalarga qarshi" mavzusida talabalar bilan davra suhbati.

Buyuk shoir va mutafakkir Alisher Navoiy tavalludining 580 yilligi munosabati bilan Jahon iqtisodiyoti va diplomatiya universitetida 2021-yil 9-fevral soat 14:30 da “Navoiy XXI asr yoshlari nigohida” yoki “Mangulikka daxldor siymo” tadbir. O‘tkazilish joyi: SOK O‘tkazilish vaqti: 9-fevral 14:30 Tashkiliy qo‘mita: O‘zbek va rus tillari kafedrasi