“Globallashuv va zamonaviy axborot texnologiyalari davrida tarjima masalalari” mavzusida mahorat darsi

2026-yil 30-aprel kuni Jahon iqtisodiyoti va diplomatiya universitetining “Xalqaro iqtisodiy munosabatlar” yo‘nalishi 3-bosqich talabalari uchun Sharq tillari kafedrasi tomonidan “Globallashuv va zamonaviy axborot texnologiyalari davrida tarjima masalalari” mavzusida mahorat darsi tashkil etildi. Tadbirni JIDU huzuridagi Diplomatik akademiyaning “Xalqaro muammolarning amaliy tahlili” kafedrasi mudiri L. Xodjayev olib bordi.

Tadbirda tarjima amaliyotida raqamli vositalar va mobil ilovalardan foydalanish masalasi alohida muhokama qilindi. Mutaxassislar zamonaviy servislar hozircha mutlaq aniqlikni va barcha ma’no nozikliklarini yetkazib berishni kafolatlay olmasligini ta’kidladilar. Shu munosabat bilan chuqur til bilimi va ekspert inson omilining qadri ortib bormoqda.

Uchrashuvda neyrotarmoqlar va ilovalar inson o‘rnini bosa oladimi, degan savol ham o‘rtaga tashlandi. Xulosa bitta: gadjetlar ko‘pincha muhim tafsilotlar va kontekstni o‘tkazib yuboradi. Aynan shuning uchun mentalitet va hududiy xususiyatlarni tushunadigan jonli tarjimonning o‘rni beqiyosdir.

Mahorat darsi qizg‘in bahs-munozara va savol-javoblar bilan yakunlandi. Ishtirokchilar til to‘sig‘ini yengishda tadbirning amaliy ahamiyati yuqori ekanini qayd etdilar.