2026-yil 15-aprel kuni Jahon iqtisodiyoti va diplomatiya universitetida “Markaziy Osiyo zamonaviy xalqaro munosabatlarda” mavzusida xalqaro ilmiy-amaliy anjuman bo‘lib o‘tdi.

Tadbir JIDU Xalqaro munosabatlar kafedrasi tomonidan xorijlik ekspertlar, olimlar va yosh tadqiqotchilar ishtirokida tashkil etildi.

Anjuman ishida xalqaro ekspertlar, xususan, Incheon milliy universiteti (Koreya Respublikasi) professori Ten Yon Sun, Anton Kotik (Qirg‘iz-Rossiya slavyan universiteti), Azikayev Emil Damirovich (Sharqiy Xitoy pedagogika universiteti, XXR), Zamir Qarajanov (“Kemel Arna” jamoat fondi direktori, Qozog‘iston Respublikasi) va boshqalar qatnashdi.

Anjuman davomida Markaziy Osiyo mamlakatlarining mintaqaviy hamkorligiga oid dolzarb masalalar, mintaqa davlatlarining tashqi siyosat strategiyalari transformatsiyasi hamda global va mintaqaviy aktorlar bilan o‘zaro hamkorlik masalalari ko‘rib chiqildi.

Anjuman ilmiy ma’ruzalar va ularning yakunidagi munozaralarni o‘z ichiga olgan mavzuli sessiyalar shaklida o‘tdi. Ishtirokchilar mintaqaviy muloqotni mustahkamlash, ilmiy hamkorlikni rivojlantirish va xalqaro munosabatlar sohasida amaliy tavsiyalar ishlab chiqish muhimligini ta’kidladilar.

Tadbir yakunlariga ko‘ra, ekspertlar fikr almashishi va akademik aloqalarni chuqurlashtirish uchun bunday platformalarning ahamiyati qayd etildi.