Jahon iqtisodiyoti va diplomatiya universiteti Xalqaro huquq va ommaviy huquqiy fanlar kafedrasi dotsenti Israilova Zarina va Ibragimova Muxlisa tomonidan konstitutsiyaviy huquq fani doirasida “Barqaror rivojlanish maqsadlari (SDG) va prezidentlik instituti: konstitutsion-huquqiy tahlil” mavzusida ma’ruza tashkil etildi.

Ma’ruza davomida Barqaror rivojlanish maqsadlarining mazmuni, ularning davlat boshqaruvi tizimidagi ahamiyati hamda prezidentlik institutining ushbu jarayondagi o‘rni atroflicha yoritildi.

Ayniqsa, SDGning 16-maqsadi — tinchlik, adolat va samarali institutlarni shakllantirish masalalariga alohida e’tibor qaratildi. Shuningdek, prezidentlik institutining konstitutsion-huquqiy maqomi, davlat siyosatini shakllantirishdagi roli va milliy darajada SDGni amalga oshirishdagi ishtiroki ilmiy jihatdan tahlil qilindi.

Ma’ruza interaktiv shaklda o‘tkazilib, ishtirokchilar bilan faol muloqot, savol-javoblar va fikr almashinuvlar bo‘lib o‘tdi.

Xulosa sifatida, mazkur ma’ruza Barqaror rivojlanish maqsadlari va prezidentlik instituti o‘rtasidagi o‘zaro bog‘liqlikni chuqur anglashga xizmat qildi.