2025-yil 27-28-noyabr kunlari Jahon iqtisodiyoti va diplomatiya universiteti Xalqaro huquq fakulteti 2-kurs talabalari uchun professional psixolog Qo‘rg‘onboyeva Aziza Avazovna ishtirokida “Odil sudlovda axloqiy tamoyillar” mavzusida mahorat darsi tashkil etildi.

Mashg‘ulotlarda huquqshunoslar faoliyatidagi axloq va ma’naviyat masalalari, ularning aholining odil sudlovga, qonunlarning samaradorligiga bo‘lgan ishonchiga, huquqiy ongni yuksaltirishga va mamlakatdagi iqtisodiy vaziyatga qanday ta’sir ko‘rsatishi mumkinligi muhokama qilindi.

Ishtirokchilarga turli vaziyatlarda huquqshunoslar xulq-atvorining psixologik jihatlari aks ettirilgan keyslar taqdim etildi. Qo‘yilgan masalalarni faol muhokama qilish talabalarning real hayotda yuzaga keladigan axloqiy muammolarga munosabatini namoyon etdi.

Treninglar yakunida A. Qo‘rg‘onboyeva mijozlar bilan suhbatlashish va ularga maslahat berish jarayonida klinika xodimlarining xatti-harakatlari bo‘yicha amaliy tavsiyalar berdi.