2025-yil 19-noyabr kuni Jahon iqtisodiyoti va diplomatiya universiteti “Xalqaro huquq” fakultetining “Xalqaro huquq va ommaviy-huquqiy fanlar” kafedrasi tomonidan Jinoyat huquqining dolzarb masalalariga bag‘ishlangan mahorat darsi tashkil etildi.

 Mahorat darsini yuridik fanlar doktori, amaldagi advokat Bobur Ibratovich Otaboyev olib bordi. Tadbirda jinoyat sodir etgan shaxslarni jinoiy javobgarlikdan ozod qilish, jinoiy javobgarlik va jazodan ozod qilishning ijtimoiy-huquqiy ahamiyati, sudlanganlik tushunchasi va uning huquqiy oqibatlari xususida so‘z yuritildi.

Mahorat darsi yakunida qizg‘in munozara bo‘lib o‘tdi, unda talabalar savollar berish va amaliyotdan olingan misollarni muhokama qilish imkoniyatiga ega bo‘ldilar.