Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish tartibi to‘g‘risida ma'lumot quyidagi havolada ko'rsatilgan - https://uwed.uz/uz/news/111 .

Jahon iqtisodiyoti va diplomatiya universitetiga 2023/2024-o'quv yili uchun bakalavriat ta'lim yo'nalishlari bo'yicha o’qishga kirishda dastlabki imtihonni o’tkazish tartibi to'g'risida ma'lumot

Jahon iqtisodiyoti va diplomatiya universitetiga 2023/2024 o‘quv yili uchun abituriyentlarning hujjatlari 2023-yil 15-iyundan 5-iyulgacha bo‘lgan muddatlarda onlayn ariza topshirish orqali qabul qilinadi.

Hujjatlar quyidagi bakalavriat ta’lim yo'nalishlari bo'yicha qabul qilinadi:

60310800 – “Xalqaro munosabatlar”

60310700 - "Siyosatshunoslik"

60412000 - "Xalqaro iqtisodiyot va menejment"

60420100 - "Yurisprudensiya" (faoliyat turlari bo'yicha)

JIDU abiturientlari elektron ro‘yxatdan o‘tish tizimi https://admission.uwed.uz orqali abiturientlar tomonidan onlayn ariza to'ldirilib, ro‘yxatga olish mobaynida talab etiladigan hujjatlarning elektron nusxasi yuklangach, dastlabki imtihonga yo‘llanma beriladi. Ro‘yxatga olingandan so‘ng, abituriyent dastlabki imtihon sanasi va vaqti haqida ma`lumot oladi.

Diqqat! 2023-yilda dastlabki imtihon 1 iyuldan 6 iyulgacha bo‘lgan muddatlarda abituriyentlarning xohishiga ko‘ra, onlayn yoki an’anaviy shakllarda o‘tkaziladi.

Dastlabki imtihon uch blokdan iborat quyidagi savollarni o‘z ichiga oladi:

1-blok. Abiturientning intellektual darajani aniqlash (IQ test sinovlari, 40 ball).

2-blok. Ona tilini (o‘zbek yoki rus tili) bilish darajasini aniqlash. Madaniyat, san’at, tarix, jug‘rofiya kabi fanlar va dolzarb ijtimoiy mavzular yuzasidan savod darajasi va o’z fikrini bayon etish qobilyati baholanadi (100-150 so‘zdan iborat qisqacha esse, 30 ball).

3-blok. Xorijiy tillarni (ingliz, fransuz va nemis tillari) bilish darajasini aniqlash (Test, 30 ball). 

IELTS bilim darajasi kamida 5,5 ball, TOEFL IBT – kamida 61 ball, shuningdek, DaF Test, GOETHE sertifikati, DELF imtihonlari uchun Multilevel usuli (CEFR) bo‘yicha B2 minimal darajasini belgilovchi tegishli til sertifikatiga ega bo‘lgan abituriyentlar uchun xorijiy til bo'yicha maksimal – 30 ball belgilanadi.

Jami 50 ball va undan yuqori ball to‘plagan abituriyentlarga Davlat test markazi tomonidan JIDUga o‘qishga kirish uchun o‘tkaziladigan bakalavriat ta’lim yo‘nalishlari bo‘yicha kirish imtihonlarida ishtirok etish uchun ruxsat beriladi. 

Faqatgina dastlabki imtihonni muvaffaqiyatli topshirgan abiturientlargina Davlat test markazining abiturientlarni ro‘yxatdan o‘tish portali – https://abitur.dtm.uz/ manziliga kirib yo‘riqnoma bo‘yicha JIDU ta’lim yo‘nalishlaridan birini tanlash imkoni beriladi. Ayni paytda abiturientlar istagiga ko‘ra, turli OTMlardan JIDU ta’lim yo‘nalishlarini hisobga olganda jami 5ta gacha ta’lim yo‘nalishlarini tanlash imkoniyati mavjud.

Qo‘shimcha savollar bo‘yicha JIDU Qabul komissiyasiga murojaat qilishingiz mumkin:

Elekron pochta manzili: admission@inno.uwed.uz

Telegram: @uwed_admission

Call-Markaz telefon raqamlari:

+998 (71) 268-35-40

+998 (71) 267-08-16

+998 (71) 267-08-52

2023/2024 o‘quv yilida Jahon iqtisodiyoti va diplomatiya universiteti bakalavriatining kunduzgi ta‘lim shakli bo‘yicha davlat buyurtmasi asosida o‘qishga qabul qilish parametlarining ta‘lim yo‘nalishlari va o‘qitish tillari bo‘yicha
TAQSIMLANISHI

Shifr	Ta’lim yo’nalishlari nomi	Jami	Davlat granti asosida			To‘lov-kontrakt asosida
			Jami	shu jumladan:		Jami	shu jumladan:
				o‘zbek	rus		o‘zbek	rus
		450	35	22	13	274	254	161
60310800	Xalqaro munosabatlar	79	5	3	2	74	40	34
60310700	Siyosatshunoslik	70	5	3	2	65	35	30
60412000	Xalqaro iqtisodiyot va menejment (mintaqalar va faoliyat turlari bo‘yicha)	162	15	10	5	147	100	47
60420100	Yurisprudensiya (faoliyat turlari bo'yicha)	139	10	6	4	129	79	50

Universitetda bakalavriatning barcha yo‘nalishlari bo‘yicha o‘qishga qabul matematika, tarix, huquq, chet tili va ona tili fanlaridan davlat test sinovlari natijalari asosida amalga oshiriladi.