Sherzodbek Maxmudovich, yuridik fanlar nomzodi, dotsent, kafedra mudiri lavozimida ishlaydi. Bundan oldin u davlat, nodavlat va tijorat tashkilotlarida yurist va rahbar lavozimlarida ishlagan. Universitetda u xalqaro tijorat huquqi, xalqaro tijorat arbitraji va mediatsiya fanlaridan ma’ruza o‘qiydi. Uning xalqaro arbitraj va mediatsiya mavzularida 30 dan ortiq ishlari chop etilgan, xususan, “O‘zbekiston Respublikasida mediatsiyani huquqiy tartibga solish muammolari” (2014) monografiyasi. Ushbu mavzu bo‘yicha nomzodlik dissertatsiyasini 2008-yil noyabrda Toshkent Davlat yuridik institutida himoya qilgan. Shuningdek, u Universitet jamoasining treneri sifatida xalqaro tijorat arbitraji bo‘yicha Vis Moot xalqaro musobaqasiga tayyorlab keladi. U arbitraj va mediatsiyaga bag‘ishlangan respublika va xalqaro konferensiyalarda ma’ruzachi sifatida qatnashib keladi. Sherzodbek Maxmudovich Birmingem universiteti (Buyuk Britaniya, 2001), Pepperdine universiteti huquqshunoslik maktabi (AQSh, 2017) bitiruvchisi.