Rustam Mahmudov – JIDU “Siyosatshunoslik” kafedrasi dotsenti. Argumentatsiya va debatlar, Madaniyatlararo muloqot, Jahon siyosatining raqamli jihatlari, Strategik madaniyat fanlaridan dars beradi. Uchinchi kotib diplomatik martabasiga ega. Rus, ingliz, forsiy, dariy va pushtu tillarini biladi. 

Rustam Mahmudov Toshkent Davlat Sharqshunoslik Universitetining (TDShU) Eron-Afg‘on filologiyasi “Pushtu tili” fakultetini, shuningdek, TDShUning aspiranturasini tamomlagan. TDShU da pushtu va dariy tillaridan dars bergan, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, Oʻzbekiston Respublikasi Tashqi ishlar vazirligi va Siyosiy tadqiqotlar markazida ishlagan.

2022-yildan boshlab Germaniyaning Roza Lyuksemburg Fondi Markaziy Osiyo ofisi loyiha rahbari sifatida “Markaziy Osiyoda iqlim migratsiyasi muammolari: chaqiriqlar va yechimlar”, “To‘rtinchi sanoat inqilobi va Markaziy Osiyo uchun asosiy muammolar”, “Tolibon hokimiyati ta’sirida Afg‘oniston– qo‘shni mamlakatlar va buyuk davlatlarning munosabati“ loyihalarini amalga oshirgan. 

Rustam Mahmudov milliy va xalqaro tahliliy jurnal va veb-saytlarda To‘rtinchi sanoat inqilobi, energetika, geosiyosat, iqtisodiyot, mintaqaviy xavfsizlik, afg‘on muammosi, transport kommunikatsiyalari, sotsiologiya va iqlim muammolariga bag‘ishlangan 200 dan ortiq tahliliy maqolalar muallifi.