Abdullayev Elbek Erkin o‘g‘li — Xalqaro iqtisodiyot va menejment fakulteti dekani. Rus, ingliz va yapon tillarini mukammal biladi. Mutaxassislik yo‘nalishlari Jahon iqtisodiyoti va xalqaro iqtisodiy munosabatlar, tashqi iqtisodiy faoliyat hamda iqtisodiyot va menejmentni o‘z ichiga oladi.

Elbek Abdullayevning ilmiy va kasbiy yo‘li Jahon iqtisodiyoti va diplomatiya universiteti qoshidagi akademik litseyida boshlangan va 2012-yildan 2017-yilgacha bakalavr dasturini muvaffaqiyatli tamomlagan. 2017-yildan 2019-yilgacha magistratura bosqichida tahsil olib, ilmiy tadqiqotlarda faol ishtirok etgan. 

2021-yilda Jahon iqtisodiyoti va diplomatiya universitetida Xalqaro iqtisodiyot va menejment fakulteti dekan muovini lavozimiga tayinlangan. 2021–2022-yillarda Yaponiya, Saitama universitetida Iqtisodiyot va menejment yo‘nalishi bo‘yicha tadqiqotchi talaba sifatida ilmiy faoliyatini davom ettirgan. Keyinchalik, 2022–2024-yillarda ushbu universitetda doktorant sifatida iqtisodiyot va menejment sohasida chuqur ilmiy izlanishlar olib borgan.

Hozirgi vaqtda Jahon iqtisodiyoti va diplomatiya universitetida Xalqaro iqtisodiyot va menejment fakulteti dekani sifatida faoliyat yuritmoqda.