Q.Djuryaev JIDUning Xalqaro munosabatlar fakultetini (1995-y.), JIDU qoshida sirtqi aspiranturani (1999-y.), doktoranturani (2009-y.) bitirgan va siyosiy fanlar doktori ilmiy darajasiga ega bo‘lgan.

Q.Djuryaev o‘z mehnat faoliyatini 1995-yilda O‘zbekiston Respublikasi Vazirlar Mahkamasi huzuridagi YuNESKO ishlari bo‘yicha O‘zbekiston Respublikasi Milliy komissiya  bosh eksperti lavozimidan boshlagan.  2000-2024-yillarda JIDU katta o‘qituvchisi, dotsenti, fakultet dekani,  professori v.b. lavozimlarida ishlagan. 2010-2024 yillarda O‘zbekiston Respublikasi Oliy Majlisi Qonunchilik palatasi deputati sifatida faoliyat yuritgan. 

JIDU “Siyosatshunoslik” kafedrasi professori sifatida o‘z pedagogik faoliyatini 2025-yildan boshlab olib bormoqda. “Siyosatshunoslik asoslari”, “Siyosiy tahlil va  uning nazariy metodologik asoslari” kabi fanlardan dars beradi. 2020-yildan beri siyosiy fanlar bo‘yicha dissertatsiya himoyalari bilan shug‘ullanuvchi JIDU ixtisoslashgan Ilmiy Kengashi qoshidagi Ilmiy seminar raisi sifatida faoliyat ko‘rsatmoqda. 

Rus, ingliz, fransuz va tojik  tillarini o‘zlashtirgan.  Q.Djurayevning ilmiy tadqiqotlari: qiyosiy siyosiy tizimlar, zamonaviy saylov tizimlari, Fransiya Respublikasining V-Respublika davridagi siyosiy tizimi evolyutsiyasi, Markaziy Osiyo mamlakatlaridagi siyosiy jarayonlar shuningdek, mintaqaviy hamkorlik va rivojlanish masalalarini o‘z ichiga oladi.