Xudoyberganova Dilnoza “Siyosatshunoslik” kafedrasi o‘qituvchisi sifatida 2021-yil yanvaridan pedagogik faoliyatini olib boradi. Siyosatshunoslik, Falsafa, Jamiyat va din fanlaridan dars beradi. Xudoyberganova Dilnoza Komiljon qizi 2014 yilda Jahon iqtisodiyoti va diplomatiya universiteti “Xalqaro munosabatlar” fakulteti (bakalavr), 2020 yilda (magistratura) yo‘nalishini tamomlagan. 2016-2019 yy. O‘zbekiston Respublikasi Madaniyat vazirligi tizimidagi bir qator tashkilotlarda  xalqaro bo‘lim bosh mutaxassisi, matbuot bo‘limi boshlig‘i va matbuot kotibi lavozimlarida faoliyat yuritgan. 2020-2021yy. O‘zbekiston Badiiy akademiyasining Xalqaro aloqalarni rivojlantirish bo‘limi boshlig‘i sifatida xalqaro simpozium, san’at ko‘rgazmalari va forumlar tashkil qilgan.

Dilnoza Xudoyberganovaning ilmiy-pedagogik faoliyati davomida 10 ga yaqin ilmiy ishlari ilmiy jurnallar va to‘plamlarda e’lon qilingan. Ilmiy tadqiqot mavzulari: AQSH tashqi siyosatida tadqiqot markazlari o‘rni, mintaqaviy xavfsizlik, mojarolarni boshqarish.