Sunnatillo Nasimov Siyosatshunoslik kafedrasida Siyosatshunoslik, Milliy xavfsizlik, Davlat boshqaruvining huquqiy asoslari fanlaridan dars beradi. Rus va ingliz tillarini o‘zlashtirgan. 2004-yilda Jahon iqtisodiyoti va diplomati universitetida “Xalqaro huquq” yo‘nalishi bo‘yicha bakalavr, 2009-yilda O‘zbekiston Respublikasi Strategik tahlil va istiqbolni belgilash Oliy maktabida “Politologiya: strategik tahlil va istiqbolni belgilash” mutaxassisligi bo‘yicha magistr darajalarini olgan. Siyosiy fanlar bo‘yicha falsafa doktori (PhD).

S.Nasimov “O‘zbekiston Respublikasi milliy xavfsizligi kesimida AQSh tashqi siyosatining Afg‘oniston yo‘nalishi” mavzusida dissertatsiya ishini himoya qilgan. Ilmiy faoliyati davomida milliy va mintaqaviy xavfsizlik muammolari, AQShning Markaziy Osiyodagi tashqi siyosati masalalari tahliliga bag‘ishlangan 30 dan ortiq ilmiy maqola va tezislari xalqaro va milliy nashrlarda chop etilgan.