Shaxnoza Amirova — Jahon Iqtisodiyoti va Diplomatiya Universiteti Xalqaro Munosabatlar kafedrasi dotsenti, jurnalistika, san’atshunoslik va madaniy meros sohalari bo‘yicha mutaxassis. U san’at tarixi, ommaviy madaniyat va madaniy qadriyatlarni, jumladan, O‘zbekiston madaniy merosini xorijiy to‘plamlarda saqlash bo‘yicha tadqiqotlar olib boradi. San’at va madaniyatga oid bir qator teleko‘rsatuvlar, hujjatli filmlar va maqolalarning muallifidir. Universitetda u «Yumshoq kuch diplomatiyasi» va «Diplomatiya asoslari» fanlarini o‘qitadi.