Mansurova Gulshoda Shamsiddinovna, “Xalqaro munosabatlar“ fakulteti kurs koordinatori lavozimida ishlaydi. Bundan oldin u Toshkent Mehmonxona xo‘jaligi kasb-hunar kollejida ingliz tili o‘qituvchisi‚  lavozimida ishlagan. Universitetda u o‘z faoliyatlarini qonuniylik, halollik, shaffoflik, mas’uliyat hamda talabaga yo‘naltirilganlik tamoyillari asosida amalga oshiradi. O‘ziga biriktirilgan talabalarning yashash manzillari (talabalar turar joylari, ijaradagi yoki xususiy xonadonlar hamda qarindoshlari bilan istiqomat qiluvchi holatlar) bo‘yicha muntazam monitoringni tashkil etadi, ularning turmush sharoitlari va ijtimoiy (oilaviy) ahvolini tizimli tahlil qilish, aniqlangan muammolarni bartaraf etish bo‘yicha asoslantirilgan takliflarni fakultet dekaniga kiritish orqali talabalarning ijtimoiy himoyasini ta’minlaydi, hamda ularning barqaror ilmiy-akademik faoliyatini qo‘llab-quvvatlash bilan shug‘ullanadi. U o‘z ish faoliyatida inson qadr-qimmatini hurmat qilish, tenglik va akademik erkinlikni ta‘minlash, shuningdek, oliy ta’lim muassasasining axloqiy me’yorlari va qadriyatlarini ifoda etadi. 

G.Mansurova akademik o‘quv jarayonlarning muvofiqlashtiruvchi sifatida faoliyat yuritib, talabalarning akademik hamda ilmiy salohiyatini rivojlantirish jarayonida har tomonlama metodik, tashkiliy va ma’naviy qo‘llab-quvvatlashni ta’minlaydi. Talabalarda sog‘lom turmush tarziga intilishni shakllantirish, shuningdek, ularning bo‘sh vaqtlarini mazmunli tashkil etishni ta’minlaydi.