Gavhar Mirxalilova Jahon iqtisodiyoti va diplomatiya universitetining Xalqaro munosabatlar va Jahon siyosati yo‘nalishlari bo‘yicha bakalavriat (2019) va magistratura (2021) dasturlari, hamda Fransiyaning Paris-Saclay universitetining Diplomatiya va strategik munozaralar yo‘nalishi bo‘yicha magistratura dasturi (2023) bitiruvchisidir. Fransiyada tahsil olayotgan davrida u IDEX xalqaro magistratura granti stipendiyasini qo‘lga kiritgan.

U O‘zbekiston Respublikasi Investitsiyalar, sanoat va savdo vazirligi, Markaziy Osiyo xalqaro instituti hamda Raqamli texnologiyalar vazirligi huzuridagi Raqamli ta’limni rivojlantirish markazida faoliyat yuritgan. Shuningdek, O‘zbekiston Respublikasi Tashqi ishlar vazirligida va Fransiyaning Gavr–Normandiya universiteti Xalqaro aloqalar bo‘limida amaliyot o‘tagan.