Saidkasimov Saidmuxtor Saidg‘azievich 1947 yilda Toshkentda tug‘ilgan. Falsafa fanlari doktori (1987), professor (1992), O‘zbekiston Respublikasining Favqulodda va muxtor elchisi (1994).

1991–1998 yillarda O‘zbekiston davlat boshqaruvida yuqori lavozimlarni egallagan: Prezidentning davlat maslahatchisi, Tashqi ishlar vaziri, Bosh vazir o‘rinbosari, UNESCO Milliy komissiyasi raisi, Jahon iqtisodiyoti va diplomatiya universiteti rektori. 

1998–2018 yillarda Harvard, Princeton, MIT, Boston universiteti, Oxford, LSE, SOAS, Koreyaning yetakchi universitetlari va boshqa ko‘plab xorijiy oliygohlarda mehmon professor sifatida ma’ruzalar qilgan. UNESCO, Jahon banki, EBRD, USAID, NATO va boshqa xalqaro tashkilotlar bilan hamkorlikdagi yirik ijtimoiy-gumanitar loyihalarga rahbarlik qilgan shu bilan birgalikda xalqaro munosabatlar, siyosiy falsafa, globallashuv, millat qurilishi, din falsafasi, etnokonfliktologiya kabi sohalarda ko‘plab ilmiy asarlar muallifi.