Bekzod Berdimurotov – mas’uliyatli, tashabbuskor va zamonaviy fikrlaydigan yosh mutaxassis bo‘lib, hozirda Jahon iqtisodiyoti va diplomatiya universiteti Talabalarni qabul qilish va rasmiylashtirish ofisida yetakchi mutaxassis sifatida faoliyat yuritadi. U universitetga qabul bilan ishlash, hujjatlarni qabul qilish, akademik jarayonlarni rasmiylashtirish va abituriyentlar bilan samarali muloqotni yo‘lga qo‘yish bo‘yicha keng tajribaga ega.

Bekzod 2025-yilda Jahon iqtisodiyoti va diplomatiya universitetining “Yurisprudensiya” yo‘nalishini tamomlagan. Ta’lim jarayonida u davlat organlarida — O‘zbekiston Respublikasi Adliya  vazirligi hamda Investitsiyalar, sanoat va savdo vazirligida huquqiy yo‘nalishda amaliyot o‘tab, huquqni qo‘llash, normativ-huquqiy hujjatlar bilan ishlash va davlat boshqaruvi tizimining ichki mexanizmlarini chuqur o‘rgangan.

U ingliz, rus va yapon tillarini biladi, xalqaro loyihalarda faol ishtirok etadi. Bekzod  Rossiyaning Qozon shahrida o‘tkazilgan Model OIC va Yoshlar diplomatiyasi akademiyasi delegati, UNESCO konferensiyasi volontyori, shuningdek, “Mening huquq va majburiyatlarim” respublika tanlovi finalchisi sifatida e’tirof etilgan.

Aniq ishlash, tartib, mas’uliyat va odob bilan muloqot qilish Bekzodning asosiy fazilatlaridan biri bo‘lib, u universitetning o‘quv jarayonlarini sifatli va shaffof tarzda olib borilishiga munosib hissa qo‘shmoqda.