Shaxzoda Shaxobova – xalqaro moliya, investitsiyalar va menejment sohalariga ixtisoslashgan   oʻqituvchi va tadqiqotchidir. U 2025-yil sentabr oyidan boshlab Toshkent shahridagi Jahon Iqtisodiyoti va Diplomatiya Universitetining (JIDU) Xalqaro moliya va investitsiyalar kafedrasida oʻqituvchi lavozimida faoliyat yuritmoqda. Uning ilmiy va pedagogik faoliyati talabalarga global iqtisodiy muhitda muvaffaqiyatli ishlash uchun zarur boʻlgan tahliliy va boshqaruv koʻnikmalarini shakllantirishga qaratilgan. Shaxzoda Shaxobova 2017-yilda Westminster International University in Tashkent universitetida Biznes boshqaruvi yoʻnalishi boʻyicha bakalavr darajasini olgan va 2022-yilda Jahon Iqtisodiyoti va Diplomatiya Universitetida magistraturani tamomlagan. U ilgari 2023–2025-yillarda TIIQXMMI Milliy tadqiqot universitetida oʻqituvchi boʻlib ishlagan, shuningdek, “SUITS” va “PSP Education” ta’lim markazlarida matematika, ingliz tili va mantiqiy fikrlash fanlaridan dars bergan.  Uning ilmiy qiziqishlari moliyaviy savodxonlikni oshirish, oliy ta’limda innovatsion oʻqitish metodlari hamda tanqidiy fikrlash va muammolarni hal etish koʻnikmalarini rivojlantirishga qaratilgan.