Ibrohim Rajabovich Mavlanov professor, iqtisodiyot fanlari doktori. 1975-1992 yillarda iqtisodiyotda axborot texnologiyalari va matematik usullarni qo'llashning ilmiy-amaliy sohasida va avtomatlashtirilgan boshqaruv tizimlarini ishlab chiqishda ishlagan. 1992-2005 yillarda diplomatik ishda. Jahon iqtisodiyoti va diplomatiya universitetida 2005-2015 yillarda-"Amaliy diplomatiya" kafedrasi mudiri, 2015-2018 yillarda – "Xalqaro savdo va investitsiyalar" kafedrasi mudiri. O'zbekistonda va xorijda chop etilgan xalqaro iqtisodiy munosabatlar, jahon iqtisodiyoti, iqtisodiy diplomatiya, tashqi siyosat, iqtisodiy-matematik usullar va avtomatlashtirilgan boshqaruv tizimlari sohasidagi 150 dan ortiq ilmiy maqolalar, 15 ta monografiya, 15 ta o'quv va metodik qo'llanmalar muallifi. Ko'plab xalqaro va respublika ilmiy grantlarida ishtirok etgan. Jahon iqtisodiyoti va diplomatiya universiteti huzuridagi ilmiy darajalar fan doktori (DSc) va falsafa doktori (PhD) beruvchi Ilmiy kengashning raisi va ilmiy seminar a'zosi. O‘zbekiston Respublikasi Tashqi ishlar vazirligi huzuridagi Jamoatchilik kengashi a’zosi. 2018 yildan Rossiya Xalqlar do'stligi universitetining "Postsovet tadqiqotlari" jurnali tahririyat kengashi a'zosi.