Inogamova Nozimaxon Rashotxonovna — filologiya va ta’lim sohasida tajribaga ega mutaxassis, universitet o‘qituvchisi, tarjimon va muallif. Hozirda u Jahon iqtisodiyoti va diplomatiyasi universitetida o‘qituvchi lavozimida faoliyat yuritadi. U O’zMUning “Xorijiy filologiya” fakulteti (bakalavr) va O’zbekiston davlat jahon tillari universitetining “Lingvistika” fakulteti (magistratura)ni tamomlagan. Mutaxassisligi — “filolog-lingvist-o‘qituvchi”. O‘zbek, rus, ingliz va fransuz tillarini chuqur egallagan bo‘lib, bu tillar o‘rtasida professional tarjima xizmatlarini ko‘rsatadi. Shuningdek, u fransuz auditoriyasiga ingliz va rus tillarini ham o‘rgatadi. Ilmiy, didaktik va ijodiy faoliyat bilan bir qatorda o‘quv qo‘llanmalari, darsliklar va ilmiy maqolalar muallifi hamdir. Hozirgacha u: 10 dan ortiq Respublika miqyosidagi ilmiy maqolalar, 5 ta xorijiy konferensiya ishtiroki, 3 ta xalqaro jurnal nashrlari va Scopus bazasidagi 1 ta nufuzli maqolaning muallifi hisoblanadi. Shuningdek, u ko‘plab dizayn loyihalari, ta’limiy grafikalar, ko‘rgazmali vositalar, interaktiv taqdimotlar muallifidir va bu ishlarini o‘quv jarayoniga muvaffaqiyatli integratsiyalash bilan shug‘ullanadi. Pedagog sifatida o‘z malakasini muntazam oshirib boradi — u Fransiyaning Bordo shahri, Belgiya hamda Qozog‘istonda til o‘qitish metodikasi va innovatsion texnologiyalar bo‘yicha bir nechta o‘quv dasturlarida qatnashgan. “O‘zbekiston – Fransiya” do‘stlik jamiyatida ham faoliyat yuritgan va ikki mamlakat o‘rtasidagi ilmiy-madaniy aloqalarni rivojlantirishga o‘z hissasini qo‘shgan.