Ta'limning yuqori sifati

Jahon iqtisodiyoti va diplomatiya universitetining bakalavriat dasturlari talabalarda global jarayonlarni chuqur anglash, murakkab masalalarni tahlil qilish hamda xalqaro darajada samarali faoliyat yuritish uchun zarur bo‘lgan fundamental bilim, amaliy ko‘nikma va zamonaviy dunyoqarashni shakllantiradi. Ta’lim jarayoni nazariy bilimlar, amaliy tayyorgarlik va fanlararo yondashuv uyg‘unligida tashkil etilgan. Bakalavriat bosqichida universitet quyidagi asosiy ta’lim yo‘nalishlarini taklif etadi: Xalqaro munosabatlar; Siyosatshunoslik; Jahon iqtisodiyoti va xalqaro iqtisodiy munosabatlar; Xalqaro-huquqiy faoliyat yo‘nalishidagi yurisprudensiya. Har bir dastur davlat boshqaruvi, diplomatiya, xalqaro hamkorlik, tahliliy faoliyat va zamonaviy mehnat bozori ehtiyojlarini hisobga olgan holda ishlab chiqilgan. Asosiy kompetensiyalar JIDU bakalavriat dasturlari bitiruvchilarda quyidagi kompetensiyalarni shakllantiradi: analitik va tanqidiy fikrlash; xalqaro siyosiy, iqtisodiy va huquqiy jarayonlarni tushunish; dalillarga asoslangan qaror qabul qilish; tadqiqot olib borish va ma’lumotlar bilan ishlash; professional yozma va og‘zaki muloqot; madaniyatlararo hamkorlik; hamda davlat, xususiy va xalqaro sektorlar uchun zarur bo‘lgan amaliy kasbiy tayyorgarlik. Ta’lim jarayonida talabalar akademik mobillik dasturlari, amaliyot, yetakchi mutaxassislar va ekspertlar bilan uchrashuvlar, ilmiy izlanishlar hamda loyiha faoliyati orqali o‘z bilim va ko‘nikmalarini amaliy muhitda rivojlantiradilar. Bu esa ularda mustaqil fikrlash, moslashuvchanlik, strategik yondashuv va professional mas’uliyatni yanada kuchaytiradi. Natijada bitiruvchilar milliy va xalqaro darajada raqobatbardosh, tashabbuskor, zamonaviy va yuqori malakali mutaxassislar sifatida shakllanadilar. Universitetda talabalarga ikkinchi xorijiy til sifatida 12 ta til ichidan tanlov qilish imkoniyati ham yaratilgan. Quyida bakalavriat dasturlari bilan tanishishingiz mumkin. Til yo‘nalishidagi fanlar Sillabus: Rus tili I,II (2025) Sillabus: O‘zbek tili I , II (2025) SHARQ TILLARI SILLABUSLARI (Barcha ta’lim yo‘nalishlari uchun) 2025 Ikkinchi chet tili sillabuslari, 2025/26 (Romano-german tillari) 2025/26 Ta’lim dasturlari bo‘yicha o‘quv jadvallari 2025/2026 o‘quv yili uchun akademik kalendar va amaliyot jadvali

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

28.10.2026

JIDUda Raqamli texnologiyalar vazirining raqamli diplomatiya va to‘rtinchi sanoat inqilobiga bag‘ishlangan ma’ruzasi bo‘lib o‘tdi

2026-yil 24-oktabr kuni Jahon iqtisodiyoti va diplomatiya universitetida O‘zbekiston Respublikasi raqamli texnologiyalar vaziri Sherzod Xotamovich Shermatovning “The Fourth Industrial Revolution and Digital Diplomacy” (“To‘rtinchi sanoat inqilobi va raqamli diplomatiya”) mavzusidagi ma’ruzasi tashkil etildi. Ma’ruza davomida sun’iy intellekt va zamonaviy raqamli texnologiyalarning jamiyat hayoti, davlat boshqaruvi, iqtisodiy taraqqiyot hamda xalqaro diplomatik munosabatlardagi o‘rni va ahamiyati muhokama qilindi. Shuningdek, raqamli transformatsiya jarayonlarining global rivojlanish tendensiyalariga ta’siri va diplomatiya sohasida yuzaga kelayotgan yangi imkoniyatlarga alohida e’tibor qaratildi. Vazir o‘z ma’ruzasida amaliy misollar orqali raqamli texnologiyalarning turli sohalarda qo‘llanilishi, sun’iy intellektning imkoniyatlari hamda raqamlashtirish jarayonlarining istiqbollari haqida fikr yuritdi. Uchrashuv talabalarning raqamli texnologiyalar va xalqaro munosabatlar o‘rtasidagi o‘zaro bog‘liqlik haqidagi bilimlarini boyitish, zamonaviy diplomatiyaning rivojlanish tendensiyalarini chuqurroq anglash hamda kelajak kasbiy faoliyatida raqamli kompetensiyalarning ahamiyatini tushunishiga xizmat qildi.

28.10.2026

JIDUda siyosatshunoslik fanidan mahorat darsi tashkil etildi

Jahon iqtisodiyoti va diplomatiya universiteti Xalqaro munosabatlar fakulteti 1-kurs talabalari uchun Siyosatshunoslik fani doirasida mahorat darsi tashkil etildi. Tadbirda Siyosatshunoslik kafedrasi professori Q. A. Jo‘rayev hamda kafedra o‘qituvchilari N. Kushayeva va D. Xudoyberganova ishtirok etdilar. Mahorat darsiga mehmon sifatida O‘zbekiston Xalq demokratik partiyasi Markaziy Kengashi Tashkiliy-nazorat va kadrlar bilan ishlash boshqarmasi boshlig‘i Faxriddin Farxodovich Elmurodov taklif etildi. U talabalarga mamlakatimizdagi nodavlat tashkilotlar, siyosiy partiyalarning jamiyat hayotidagi o‘rni, ularning asosiy vazifalari hamda faoliyat yo‘nalishlari haqida batafsil ma’lumot berdi. Uchrashuv davomida O‘zbekistonda siyosiy partiyalar tizimining shakllanishi va rivojlanishi, siyosiy partiyalarning demokratik jarayonlardagi ishtiroki, fuqarolarning siyosiy faolligini oshirish hamda jamiyat manfaatlarini ifodalashdagi ahamiyatiga alohida e’tibor qaratildi. Shuningdek, O‘zbekiston Xalq demokratik partiyasining 35 yillik faoliyati, uning tashkil topish tarixi, rivojlanish bosqichlari va mamlakat siyosiy hayotidagi o‘rni haqida fikr yuritildi. Partiyaning ko‘p yillik tajribasi va faoliyatining muhim jihatlari talabalarga atroflicha tushuntirildi. Mazkur mahorat darsi talabalarning siyosatshunoslik fanidan olgan nazariy bilimlarini amaliy ma’lumotlar bilan boyitish, siyosiy institutlar faoliyati haqidagi tasavvurlarini kengaytirish hamda mamlakatimizdagi siyosiy jarayonlarni chuqurroq anglashlariga xizmat qildi. Bunday uchrashuvlar ta’lim va amaliyot o‘rtasidagi uzviy aloqani mustahkamlash, talabalarning siyosiy-huquqiy bilimlarini oshirish va kelajakdagi kasbiy faoliyatlari uchun zarur ko‘nikmalarni shakllantirishda muhim ahamiyat kasb etadi.

28.10.2026

Rahbarning notiqlik mahorati mashg‘uloti jaroyonida yetakchi mutaxassis tomonidan master-klass o‘tkazildi

Joriy 2026-yilning 27-oktabr sanasida Jahon iqtisodiyoti va diplomatiya universiteti Davlat boshqaruvi magistratura yo‘nalishi tinglovchilari uchun O‘zbek va rus tillari kafedrasi tashabbusi asosida Nuriymon Abdurahim Abulhasan ishtirokida Rahbar kadrlarning ommaviy nutq so‘zlash ko‘nikmalarini rivojlantirish, auditoriyani boshqarish, ta’sirchan nutq tuzish hamda muzokaralar jarayonida o‘z fikrini ishonchli yetkazib berish mahoratini oshirish yuzasidan mahorat darsi tashkillashtirib o‘tkazildi. Nurimon Abdurahim Abulhasan - Vazirlar Mahkamasi huzuridagi Din ishlari bo‘yicha qo‘mita rahbariyati lavozimida ishlagan, keyinchalik Din ishlari bo‘yicha qo‘mita raisi o‘rinbosari, Ichki ishlar vazirligining Terrorizm va ekstremizmga qarshi kurashish bosh boshqarmasi boshlig‘i ham bo‘lganlar. Nuriymon Abdulhasan 1994-yilda Toshkent islom institutini (oliy ma’had), 1997 yilda Misr Al-Azhar universitetini tamomlagan. U bundan avval Din ishlari bo‘yicha qo‘mita, Prezident devonining Millatlararo va din masalalari bo‘yicha xizmatida va Ichki ishlar vazirligi tizimida faoliyat yuritgan. Bugungi kunda Nodavlat ta’lim muassasalari assotsiatsiyasi raisi lavozimida faoliyat yuritib kelmoqda. Mashg‘ulot nazariy tushunchalar va amaliy mashqlar uyg‘unligida olib borildi. Mahorat darsi davomida quyidagi asosiy bloklar ko‘rib chiqildi: • Nutqning tuzilishi va kirish qismi: Auditoriya diqqatini birinchi 30 soniyada jalb qilish usullari. • Verbal va noverbal muloqot: tana tili (jestlar), qarashlar kontaktini o‘rnatish va ovoz tembrini boshqarish. • Auditoriya bilan ishlash: tinglovchilarning kayfiyatini his qilish va provokatsion (qiyin) savollarga xotirjam javob berish texnikasi. • Nutq oldi hayajonini yengish: rahbarlarda uchraydigan psixologik to‘siqlar va ularni bartaraf etish bo‘yicha nafas mashqlari. Ishtirokchilar o‘z nutqlaridagi kamchiliklarni mutaxassis yordamida "teskari aloqa" (feedback) orqali tahlil qilib oldilar. Rahbarlarning jamoa oldida va tashqi hamkorlar bilan muzokaralarda o‘zini tutish strategiyasi shakllantirildi. Mashg‘ulot yakunida qatnashchilarning notiqlik darajasi ijobiy tomonga o‘zgarganligi kuzatildi. Mutaxassis tomonidan kelgusidagi tavsiyalar ham berildi, jumladan, rahbarlarning notiqlik mahoratini doimiy rivojlantirish uchun ilmiy manbalar mutolaasi; kamera qarshisida gapirish va intervyu berish ko‘nikmasini rivojlantirish kabilarga alohida to'xtaldi. Mahorat darsi davomida magistrlarga boshqaruvda yo‘l qo‘yilishi mumkin bo‘lgan xatolar va ularni bartaraf qilish yo‘llari, liderlik tamoyillari, ideal boshqaruv prinsiplari haqida batafsil ma’lumot berildi. Eng yaxshi savol egalariga esdalik sovg‘alari topshirildi.