Ta'limning yuqori sifati

Jahon iqtisodiyoti va diplomatiya universitetining bakalavriat dasturlari talabalarda global jarayonlarni chuqur anglash, murakkab masalalarni tahlil qilish hamda xalqaro darajada samarali faoliyat yuritish uchun zarur bo‘lgan fundamental bilim, amaliy ko‘nikma va zamonaviy dunyoqarashni shakllantiradi. Ta’lim jarayoni nazariy bilimlar, amaliy tayyorgarlik va fanlararo yondashuv uyg‘unligida tashkil etilgan. Bakalavriat bosqichida universitet quyidagi asosiy ta’lim yo‘nalishlarini taklif etadi: Xalqaro munosabatlar; Siyosatshunoslik; Jahon iqtisodiyoti va xalqaro iqtisodiy munosabatlar; Xalqaro-huquqiy faoliyat yo‘nalishidagi yurisprudensiya. Har bir dastur davlat boshqaruvi, diplomatiya, xalqaro hamkorlik, tahliliy faoliyat va zamonaviy mehnat bozori ehtiyojlarini hisobga olgan holda ishlab chiqilgan. Asosiy kompetensiyalar JIDU bakalavriat dasturlari bitiruvchilarda quyidagi kompetensiyalarni shakllantiradi: analitik va tanqidiy fikrlash; xalqaro siyosiy, iqtisodiy va huquqiy jarayonlarni tushunish; dalillarga asoslangan qaror qabul qilish; tadqiqot olib borish va ma’lumotlar bilan ishlash; professional yozma va og‘zaki muloqot; madaniyatlararo hamkorlik; hamda davlat, xususiy va xalqaro sektorlar uchun zarur bo‘lgan amaliy kasbiy tayyorgarlik. Ta’lim jarayonida talabalar akademik mobillik dasturlari, amaliyot, yetakchi mutaxassislar va ekspertlar bilan uchrashuvlar, ilmiy izlanishlar hamda loyiha faoliyati orqali o‘z bilim va ko‘nikmalarini amaliy muhitda rivojlantiradilar. Bu esa ularda mustaqil fikrlash, moslashuvchanlik, strategik yondashuv va professional mas’uliyatni yanada kuchaytiradi. Natijada bitiruvchilar milliy va xalqaro darajada raqobatbardosh, tashabbuskor, zamonaviy va yuqori malakali mutaxassislar sifatida shakllanadilar. Universitetda talabalarga ikkinchi xorijiy til sifatida 12 ta til ichidan tanlov qilish imkoniyati ham yaratilgan. Quyida bakalavriat dasturlari bilan tanishishingiz mumkin. Til yo‘nalishidagi fanlar Sillabus: Rus tili I,II (2025) Sillabus: O‘zbek tili I , II (2025) SHARQ TILLARI SILLABUSLARI (Barcha ta’lim yo‘nalishlari uchun) 2025 Ikkinchi chet tili sillabuslari, 2025/26 (Romano-german tillari) 2025/26 Ta’lim dasturlari bo‘yicha o‘quv jadvallari 2025/2026 o‘quv yili uchun akademik kalendar va amaliyot jadvali

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

07.10.2026

JIDUda O‘qituvchi va murabbiylar kuniga bag‘ishlangan tantanali tadbir bo‘lib o‘tdi

Joriy yilning 5-oktabr kuni Jahon iqtisodiyoti va diplomatiya universitetida 1-oktabr - O‘qituvchi va murabbiylar kuniga bag‘ishlangan tantanali tadbir bo‘lib o‘tdi. O‘zbekiston Respublikasi Oliy Majlis senati raisining birinchi o‘rinbosari, JIDU rektori Sodiq Safoyev kirish so‘zi bilan chiqib, universitet professor-o‘qituvchilarini kasb bayrami bilan samimiy muborakbod etdi. O‘z nutqida ustozlarning yosh avlodni har tomonlama yetuk, bilimli va Vatanga sadoqatli insonlar etib tarbiyalashdagi alohida o‘rni va xizmatlarini e’tirof etdi. Bayramning eng muhim qismlaridan biri professor-o‘qituvchilarni taqdirlash marosimi bo‘ldi. Oliy ta’lim, fan va innovatsiyalar vazirligi tomonidan ta’sis etilgan “Oliy ta’lim a’lochisi” ko‘krak nishonlari topshirildi. Shuningdek, universitet professor-o‘qituvchilarining ta’lim, ilm-fan va yosh avlod tarbiyasiga qo‘shgan munosib hissasi e’tirof etilib, ularga turli mukofotlar tantanali ravishda taqdim etildi. Xalqaro hamkorlikni rivojlantirish va tashqi aloqalarni mustahkamlashga qo‘shgan salmoqli hissasi uchun universitetning bir qator xodimlariga diplomatik martaba berildi. Rasmiy qismdan so‘ng bayram dasturi badiiy chiqishlar bilan davom etdi. San’atkor Nargis o‘z ijrosi bilan yig‘ilganlarga bayramona kayfiyat ulashdi. Tadbir yakunida ishtirokchilar uchun furshet tashkil etildi.

195

06.10.2026

Xalqaro huquq fakulteti talabasi Moliyaviy xavfsizlik bo‘yicha xalqaro olimpiadada ikkinchi o‘rinni egalladi

2026-yil 27-sentabrdan 3-oktabrgacha Rossiya Federatsiyasining Krasnoyarsk shahrida VI Moliyaviy xavfsizlik bo‘yicha xalqaro olimpiada bo‘lib o‘tdi. Bu yil olimpiadada dunyoning 45 ta davlatidan 700 dan ortiq talaba ishtirok etdi. Olimpiada jinoiy daromadlarni legallashtirish, terrorizmni moliyalashtirish va moliyaviy tizimga tahdid soluvchi boshqa xavflarga qarshi kurashish masalalariga qiziquvchi yosh mutaxassislarni birlashtiradi. Ishtirokchilar bir nechta yo‘nalish bo‘yicha tanlov sinovlaridan o‘tib, chuqur nazariy bilim va amaliy masalalarni hal etish ko‘nikmalarini namoyish etadilar. Xalqaro huquq va ommaviy-huquqiy fanlar kafedrasi o‘qituvchisi Uzakbaeva Naubaxar Bahadir qizi rahbarligida Jahon iqtisodiyoti va diplomatiya universiteti Xalqaro huquq fakulteti 3-kurs talabasi Aliyev Asilbek Bahrom o‘g‘li «Yurisprudensiya» yo‘nalishi bo‘yicha ikkinchi o‘rinni egalladi. Ushbu yutuq universitet talabalarining yuqori darajada tayyorgarlikka ega ekanligini hamda kafedra professor-o‘qituvchilarining yuksak malakasini tasdiqlaydi. Fakultet jamoasi Naubaxar Baxadir qizi va Asilbekni munosib muvaffaqiyat bilan tabriklab, ularga xalqaro tanlovlarda yangi g‘alabalar tilaydi!

151

06.10.2026

JIDUda zamonaviy davrda xalqaro elektraloqa ittifoqi (ITU)ning xalqaro huquqiy maqomi va uning hujjatlari huquqiy tabiati masalalariga bag‘ishlangan mahorat darsi o‘tkazildi

2026-yilning 5-oktabr kuni Xalqaro axborot huquqi fani doirasida 4-kurs talabalari uchun JIDU “Xalqaro huquq va ommaviy huquq fanlari” kafedrasi professori N.Nugmanov va Davlat axborot tizimlarini yaratish va qo‘llab-quvvatlash bo‘yicha yagona integrator “UZINFOCOM” MChJ Yuridik bo‘limi Yuriskonsulti Abdalimova Dariya Odilovna tomonidan “Zamonaviy davrda Xalqaro elektraloqa ittifoqining (ITU) xalqaro huquqiy maqomi va uning hujjatlari huquqiy tabiati” mavzusida mahorat darsi tashkil etildi. Mutaxassis tomonidan hozirgi rivojlanish sharoitida Xalqaro elektraloqa ittifoqining (XEI) huquqiy vositalari transformatsiyasi tahlil qilindi. Asosiy e’tibor BMTning eng qadimiy ixtisoslashgan agentligi sifatida XEIning o‘ziga xos xususiyatlari hamda XEI qabul qiladigan turli toifadagi hujjatlarning huquqiy kuchi batafsil ma’lumot berildi. Mahorat darsi davomida sun’iy intellekt va global raqamli infratuzilmalarning jadal rivojlanishida XEIning tashabbuslari, XEIning Tavsiyalari va texnik standartlar, ITU-T (standartlashtirish), ITU-R (radioaloqa) va ITU-D (rivojlantirish) sektorlari tomonidan qabul qilingan hujjatlarning ishlash mexanizmi batafsil tahlil etiladi. Mazkur mahorat darsi yakunida talabalar bilan Xalqaro elektraloqa ittifoqining tavsiya va standartlari xalqaro huquqda “yumshoq huquq” normalarining xalqaro huquq subyektlari tomonidan amal qilinishi bo‘yicha fikr mulohazalar almashinildi hamda tadbir konstruktiv ruhda o‘tkazildi.