Akademik va o‘qituvchilar ishlari ofisi

Akademik va o'qituvchilar ishlari ofisi Jahon iqtisodiyoti va diplomatiya universitetining  o'quv va o'quv-uslubiy jarayonini boshqaruvchi va muvofiqlashtiruvchi tuzilma bo'lib, O'zbekiston Respublikasi qonunlariga, boshqa me'yoriy hujjatlariga, universitet Nizomiga  muvofiq o`z faoliyatini amalga oshiradi.

AKADEMIK VA O‘QITUVCHILAR ISHLARI OFISINING ASOSIY VAZIFALARI:

-Fakultet, kafedralar va akademik jarayoniga daxldor boshqa tarkibiy tuzilmalar faoliyatini o‘zaro muvofiqlashtiradi;

-fakultetlarda amalga oshiriladigan qo‘shma ta’lim dasturlarini muvofiqlashtiradi;

-yetakchi xorijiy oliy ta’lim muassasalarining ilg‘or tajribalaridan, xususan ularning akademik dasturlari asosida JIDU sillabuslarini ishlab chiqilishini tashkil qiladi;

-fakultetlar va kafedralar bilan birgalikda o‘quv rejalar, fanlarning sillabuslari, darsliklar, qo‘llanmalar, boshqa turdagi o‘quv-uslubiy hujjatlarni ko‘rib chiqadi va O‘quv-uslubiy kengash muhokamasiga kiritadi;

-talabalarning kafedralar tomonidan o‘quv dasturlari va boshqa o‘quv-uslubiy hujjatlar bilan ta’minlanishini nazorat qiladi;

-JIDU professor-o‘qituvchilari tomonidan bajariladigan o‘quv yuklamalari taqsimoti hamda professor-o‘qituvchilarning shtat jadvalini monitoring qiladi va rejalashtiradi;

-vaqt me’yorlari asosida JIDUning shtatdagi professor-o‘qituvchilari o‘quv yili davomida bajarishi shart bo‘lgan ishlar hajmini va tarkibini aniqlaydi hamda tasdiqlash uchun JIDU Akademik kengashiga olib chiqadi;

-kafedralarda rejalashtirilgan o‘quv yuklamalarining bajarilishi yuzasidan monitoring olib boradi va soatbay asosidagi professor-o‘qituvchilarning hujjatlarini rasmiylashtiradi;

-professor-o‘qituvchilarning o‘zaro tajriba almashishlarini ta’minlash maqsadida ochiq darslarni tashkil qiladi;

-JIDU Akademik kengashi va O‘quv-uslubiy kengashi qarorlarini akademik jarayonga joriy etish yuzasidan chora-tadbirlarni amalga oshiradi;

-bitiruv malakaviy ishlari, magistrlik dissertatsiyalari himoyasi bo‘yicha tashkiliy ishlarni rejalashtiradi. Davlat attestatsiya komissiyasi (DAK) ishini tashkil etish bo‘yicha buyruq loyihasini tayyorlaydi, DAK ishini nazorat qiladi, DAK hisobotlarini qabul qiladi;

-JIDU kafedralarining kabinet mudirlari, dekanatlarning bosh va yetakchi mutaxassislarining o‘quv-uslubiy faoliyatini muvofiqlashtiradi;

-kafedra professor-o‘qituvchilarining reja asosida malaka oshirishini tashkil qiladi, ular uchun zamonaviy pedagogik va axborot texnologiyalari hamda chet tillari bo‘yicha seminarlar tashkil etadi;

-fakultet dekanatlari va kafedralarning o‘quv-uslubiy faoliyatini doimiy nazorat qilib boradi, o‘quv-uslubiy ishlarini yaxshilash boְ‘yicha takliflar beradi va JIDU O‘quv-uslubiy hamda Akademik kengashlari muhokamasiga kiritadi;

-“Edo.ijro.uz” ijro tizimidagi topshiriqlar ijrosini ta’minlash;

-fakultet va kafedralarning akademik va o‘quv-uslubiy ishlarini tashkil etish ustidan nazoratni amalga oshiradi;

-O‘quv- uslubiy Kengash majlislarini tashkil qilish; faoliyatini olib borish va doimiy nazorat qilish; 

-professor-o‘qituvchilar va tegishli xodimlar faoliyatini KPI tizimining tegishli qismi bo‘yicha baholash.

 

Jahon iqtisodiyoti va diplomatiya universiteti malaka talablari

Bakalavriat

60310200 – Xalqaro munosabatlar
60310100 – Siyosatshunoslik
60411100 – Xalqaro iqtisodiyot va xalqaro iqtisodiy munosabatlar
60420100 – Yurisprudensiya

Magistratura

70310201 – Xalqaro munosabatlar va zamonaviy siyosiy jarayonlar
70310101 – Amaliy siyosatshunoslik
70411102 – Tashqi iqtisodiy faoliyat
70411101 – Jahon iqtisodiyoti
70420103 – Xalqaro huquq
70420109 – Xalqaro biznes huquqi

Jahon iqtisodiyoti va diplomatiya universiteti o'quv rejalari

60310200 – Xalqaro munosabatlar
60310100 – Siyosatshunoslik
60411100 – Xalqaro iqtisodiyot va xalqaro iqtisodiy munosabatlar
60420100 – Yurisprudensiya