Ta'limning yuqori sifati

Jahon iqtisodiyoti va diplomatiya universiteti quyidagi sohalarda bakalavriat ta’lim yo‘nalishlarini taklif etadi. “Xalqaro munosabatlar” “Siyosatshunoslik” “Xalqaro iqtisodiyot va menejment” “Xalqaro huquq” JIDUning bakalavriat dasturlari talabalarga globallashgan dunyoda muvaffaqiyatga erishish uchun zarur bo‘lgan bilim va ko‘nikmalarni berish uchun mo‘ljallangan. Dasturlar fakultetning tajribali professor-o‘qituvchilari jamoasi tomonidan o‘qitiladi, ularning aksariyati davlat va biznes sohasida yuqori lavozimlarni egallagan. JIDU talabalarga o‘z ta’lim sohasida amaliy tajriba orttirish uchun turli xil darsdan tashqari tadbirlar va imkoniyatlarni ham taklif etadi. JIDUdagi eng mashhur bakalavriat taʼlim yoʻnalishlaridan biri “Xalqaro iqtisodiyot va menejment” dasturidir. Ushbu dastur talabalarga iqtisod, xalqaro savdo va moliya bo‘yicha mustahkam poydevor beradi. Talabalar xalqaro biznesning siyosiy va huquqiy muhiti bilan ham tanishadilar. JIDUdagi yana bir mashhur bakalavriat dasturi “Xalqaro munosabatlar” dasturidir. Ushbu dastur talabalarga xalqaro munosabatlar, tashqi siyosat va diplomatiya haqida har tomonlama tushuncha beradi. Shuningdek, talabalar turli mamlakatlarning tarixi va madaniyati bilan tanishadilar. JIDU, shuningdek, siyosatshunoslik va huquqshunoslik bo‘yicha bakalavriat dasturlarini ham taklif etadi. Ushbu dasturlar talabalarni davlat, huquq, biznes va boshqa sohalarda martabaga tayyorlash uchun mo‘ljallangan. JIDUda bakalavr darajasini olishning ba’zi afzalliklari: Siz tanlagan sohada kuchli ilmiy asosga ega bo‘lish Turli xil madaniyatlar va istiqbollar bilan tanishish Dunyo bo‘ylab boshqa talabalar va mutaxassislar bilan aloqa o‘rnatish imkoniyati Amaliyot va boshqa darsdan tashqari tadbirlar orqali amaliy tajriba orttirish imkoniyati Mehnat bozorida raqobatdosh ustunlik Agar siz qiyin va foydali ta’lim tajribasini izlayotgan bo‘lsangiz, JIDU siz uchun eng ma’qul oliygoh. Jahon darajasidagi professor-o‘qituvchilari, zamonaviy jihozlari va turli xil talabalar tarkibiga ega JIDU o‘z talabalariga bugungi globallashgan dunyoda muvaffaqiyatga erishishlari uchun zarur bo‘lgan bilim va ko‘nikmalarni taqdim etishga intiladi. Bakalavr qabuliga 2025-2026 o‘quv yili ko‘zi ojiz abiturientlar uchun suhbat.

Batafsil

JIDU'da o'qing

Jahon iqtisodiyoti va diplomatiya universiteti 1992-yil 23-sentabrda tashkil etilgan boʻlib, Oʻzbekiston Respublikasi Tashqi ishlar vazirligi qoshida faoliyat yuritadi.

Bu oliy taʼlim muassasasi boʻlib, mutaxassislar va ilmiy kengashni tayyorlash, qayta tayyorlash va ularning malakasini oshirish hamda quyidagi yoʻnalishlarda yuqori darajadagi fundamental va amaliy tadqiqotlar olib boradi:

Xalqaro iqtisodiyot va menejment;
Xalqaro munosabatlar va siyosatshunoslik;
Xalqaro ommaviy va xususiy huquq;
Yurisprudensiya.

Batafsil

Yangiliklar

Barcha yangiliklar

05.12.2025

«Sun’iy intellekt va xalqaro huquq» mavzusida xalqaro ilmiy-amaliy konferensiya bo‘lib o‘tdi

2025-yil 3-dekabr kuni Jahon iqtisodiyoti va diplomatiya universitetida «Sun’iy intellekt va xalqaro huquq» mavzusida xalqaro ilmiy-amaliy konferensiya bo‘lib o‘tdi. Tadbir O‘zbekiston Respublikasi Prezidentining 2023-yil 11-sentabrdagi PF-158-sonli Farmoni bilan tasdiqlangan “O‘zbekiston — 2030” Strategiyasi, O‘zbekiston Respublikasi Prezidentining 2022-yil 28-yanvardagi PF-60-sonli Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasi hamda Oʻzbekiston Respublikasi Vazirlar Mahkamasining 2022-yil 21-fevraldagi 83-sonli “2030-yilgacha boʻlgan davrda barqaror rivojlanish sohasidagi milliy maqsad va vazifalarni amalga oshirishni jadallashtirish boʻyicha qoʻshimcha chora-tadbirlar toʻgʻrisida” Qarorining asosiy yo‘nalishlarini amalga oshirish maqsadida tashkil etildi. Konferensiyada O‘zbekiston Respublikasi Raqamli texnologiyalar vazirligi, O‘zbekiston Respublikasi Adliya vazirligi, O‘zbekiston Respublikasi Odil sudlov akademiyasi, O‘zbekiston Respublikasi Strategik tahlil va prognozlash oliy maktabi, Raqamli texnologiyalar va sun’iy intellektni rivojlantirish ilmiy-tadqiqot instituti, O‘zbekiston Respublikasi Huquqni muhofaza qilish akademiyasi, Toshkent shahridagi Inxa universiteti va Toshkent davlat yuridik universiteti kabi davlat va xalqaro tashkilotlar vakillari ishtirok etdi. Konferensiyada shuningdek, Italiya, Moʻgʻuliston, Rossiya Federatsiyasi, Hindiston, Qozog‘iston davlatlari sunʼiy intellekt mutaxassislari hamda turli nodavlat tashkilotlar vakillari ishtirok etdi. Tadbirda sun'iy intellektni xalqaro-huquqiy tartibga solish, shaxsiy ma'lumotlarni himoya qilishning zamonaviy tendentsiyalari, sud amaliyotid sun'iy intellektdan foydalanish, “sun'iy intellekt” tushunchasini aniqlashga ilmiy yondashuvlar va sun'I intellekt tizimlarini yaratish va ulardan foydalanish sohasidagi munosabatlarni xalqaro-huquqiy tartibga solishga kontseptual yondashuvlar bilan bog'liq masalalar muhokama qilindi. Mutaxassislar O‘zbekiston Respublikasining texnologik rivojlanishini kuchaytirishi mumkin bo'lgan huquqiy yechimlarni taklif qilishdi. Tadbir yakunida xalqaro amaliyot va zamonaviy tendensiyalarni hisobga olgan holda, O‘zbekiston Respublikasining sun’iy intellektni tartibga solish sohasidagi qonunchiligini takomillashtirish bo‘yicha ilmiy va amaliy tavsiyalar ishlab chiqish hamda konferensiya natijalari asosida ilmiy to‘plam nashr etish rejalashtirilgan.

583

05.12.2025

JIDU professor-o‘qituvchilari 294-maktabda “Konstitutsiya – davlatimiz tayanchi” mavzusidagi uchrashuvda ishtirok etishdi

Joriy yilning 5 dekabr kuni Toshkent shahri Mirobod tumani 294-sonli davlat iqtisoslashtirilgan umumta`lim maktabida Konstitutsiya kuni munosabati bilan Jahon iqtisodiyoti va diplomatiya universitetining professor-o‘qituvchilari Sh.Masadikov, N.Raimova, D.Imamova, G.Lobanova, Sh.Umirzoqov va S.Abdurahimovalar tomonidan “Konstitutsiya – davlatimiz tayanchi” mavzusida tadbir o‘tkazildi. Ushbu tadbir davomida maktab o‘qituvchilari va o‘quvchilari, universitet professor-o‘qituvchilari ishtirokida O‘zbekiston Respublikasi Konstitutsiyasining asosiy tamoyillari, fuqarolarning huquq va majburiyatlari, konstitutsiyaviy tuzumimizning jamiyat hayotidagi ahamiyati kabi masalalar keng yoritildi. Shuningdek, yoshlarning vatanparvarlik ruhida tarbiyalanishida Konstitutsiyaning o‘rni, yosh avlodning kelajakdagi istiqbollari va ularning huquqiy madaniyati masalalari atroflicha muhokama qilindi. Tadbir davomida o‘quvchilar o‘zlarini qiziqtirgan savollar bilan murojaat qilib, professor-o‘qituvchilardan batafsil javob oldilar. Konstitutsiyaviy qadriyatlar asosida fuqarolik jamiyatini rivojlantirish, yoshlarning huquqiy ongini oshirish va milliy g‘urur hissini mustahkamlash yo‘llari muhokama qilindi. Tadbir doirasida, shuningdek, O‘zbekistonning Barqaror rivojlanish sohasidagi milliy maqsad va vazifalari haqida ham atroflicha ma’lumot berildi. Universitet professor-o‘qituvchilari o‘z ma’ruzalarida mamlakatimizda BMTning Barqaror rivojlanish maqsadlarini (SDGs) milliy darajada amalga oshirish yo‘nalishida olib borilayotgan tizimli islohotlarga to‘xtalib o‘tdilar. Professor-o‘qituvchilar Barqaror rivojlanish maqsadlari Konstitutsiyada belgilangan demokratik tamoyillar, inson huquqlarini ta’minlash, fuqarolik jamiyatini rivojlantirish va yoshlarni qo‘llab-quvvatlash bilan chambarchas bog‘liqligini alohida ta’kidladilar. Mazkur yondashuv o‘quvchilarda nafaqat konstitutsiyaviy bilimlarni mustahkamlash, balki O‘zbekistonning global rivojlanish jarayonlaridagi o‘rnini anglash, jamiyat uchun mas’uliyatli va faol fuqaro bo‘lish motivatsiyasini kuchaytirishga xizmat qildi.

04.12.2025

JIDU talabalari uchun “Korrupsiyaga qarshi kurash oyligi” doirasida ma’rifiy suhbat o‘tkazildi

Joriy yilning 4-dekabr kuni Xalqaro iqtisodiyot va menejment fakulteti 1-kurs talabalariga “Konstitutsiya hamda Korrupsiyaga qarshi kurash oyligi” doirasida ma’rifiy suhbat o‘tkazildi. Tadbirning asosiy maqsadi talabalarning huquqiy madaniyatini oshirish, Konstitutsiyaning zamonaviy davlat boshqaruvidagi o‘rni va uning jamiyat hayotidagi beqiyos ahamiyatini chuqurroq anglatish, talabalarni kelgusida vujudga kelishi mumkin bo'lgan korrupsiyaviy xavf-xatarlardan ogohlantirish hamda ularni halollik ruhida tarbiyalashdan iborat bo‘ldi. Suhbat davomida ishtirokchilarga Konstitutsiyaning yaratilish tarixi, unda mujassamlangan asosiy tamoyillar, davlat tuzilishi va boshqaruv tizimining konstitutsiyaviy asoslari yuzasidan batafsil ma’lumot berildi. Shuningdek, asosiy Qonunga so‘nggi yillarda kiritilgan o‘zgarish va yangiliklarni yorituvchi taqdimot namoyish etildi. Qolaversa, tadbirda “Korrupsiyaga qarshi kurashish to‘g‘risida”gi hamda “Manfaatlar to‘qnashuvi to‘g‘risida”gi qonunlar muhokama qilindi.