Xorijiy talabalar
Jahon iqtisodiyoti va diplomatiya universitetiga xorijiy talabalarni qabul qilish
Jahon iqtisodiyoti va diplomatiya universiteti (JIDU) butun dunyodan akademik yutuqlarga intilayotgan xorijiy talabalarni mamnuniyat bilan kutib oladi. Quyida bakalavriat, magistratura va doktorantura ta’lim yo‘nalishlariga hujjat topshiruvchilarga qo‘yiladigan asosiy talablar, o‘qishga qabul qilish bosqichlari va hujjat topshirish muddatlari keltirilgan.
Bakalavriat va magistraturaga kiruvchilarga qo‘yiladigan talablar
JIDU bakalavriat yoki magistratura dasturiga ariza topshirish uchun xorijiy talabalar quyidagi mezonlarga javob berishlari kerak:
Til bilish darajasi: Ingliz tilidan minimal talab qilinadigan IELTS balli B2 yoki boshqa xalqaro miqyosda tan olingan ingliz tili imtihonidan shu darajaga teng ball olish. Muqobil ravishda, o‘zbek yoki rus tilida B2 darajasida bilish ham qabul qilinadi.
Motivatsion xat: JIDUda o‘qish uchun akademik qiziqishlaringiz va motivatsiyangiz bayon etilgan ingliz tilidagi shaxsiy bayonot.
Rezyume (CV): Akademik ta’lim, ko‘nikmalar va sinfdan tashqari faoliyat haqida ma’lumot beruvchi rezyume.
Magistratura uchun: Akkreditatsiyadan o‘tgan ta’lim muassasasida tegishli mutaxassislik bo‘yicha bakalavr diplomi mavjudligi.
Kirish jarayoni
Qabul qilish jarayoni ikki bosqichdan iborat:
Hujjatlarni topshirish va tekshirish: Barcha taqdim etilgan hujjatlar JIDU qabul komissiyasi tomonidan ko‘rib chiqiladi. Hujjatlarni quyidagi manzilga yuborilishi lozim: international@uwed.uz
Suhbat: Dastlabki tanlovdan o‘tgan nomzodlar JIDU vakillari bilan suhbatga taklif qilinadi.
Hujjatlarni topshirish muddati
Ro‘yxatdan o‘tish har yili iyul oyining o‘rtalarigacha davom etadi.
PhD va doktoranturaga kiruvchilarga qo‘yiladigan talablar
Jahon iqtisodiyoti va diplomatiya universiteti (JIDU) da PhD yoki doktorantura dasturlariga ariza topshirish uchun quyidagi talablarga javob berish kerak:
Til bilish darajasi: Ingliz tilidan minimal talab qilinadigan IELTS balli C1 yoki boshqa xalqaro miqyosda tan olingan ingliz tili imtihonidan shu darajaga teng ball olish. Muqobil ravishda, o'zbek yoki rus tilida C1 darajasida bilish ham qabul qilinadi.
Motivatsion xat: Akademik tajribangiz, ilmiy qiziqishlaringiz va JIDUda doktorlik darajasini olish sabablari haqidagi ingliz tilidagi shaxsiy bayonot.
Rezyume (CV): Akademik yutuqlar, ilmiy ish tajribasi va kasbiy ko‘nikmalar ko‘rsatilgan rezyume.
Nashrlar: Akademik salohiyatingizni tasdiqlovchi tegishli ilmiy nashrlar ro‘yxati (agar mavjud bo‘lsa).
Avvalgi ta’lim: Dastur talablariga muvofiq oliy ta’limning tegishli darajasini tamomlaganligini tasdiqlovchi hujjatlar.
PhD/doktorantura dasturlariga kirish jarayoni
Jarayon bakalavriat va magistratura dasturlariga o‘xshash bo‘lib, ikki bosqichni o‘z ichiga oladi:
Hujjatlarni topshirish va tekshirish: Barcha taqdim etilgan hujjatlar JIDU qabul komissiyasi tomonidan ko‘rib chiqiladi. Hujjatlarni quyidagi manzilga yuborish lozim:international@uwed.uz
Suhbat: Dastlabki tanlovdan o‘tgan nomzodlar JIDU vakillari bilan suhbatga taklif etiladi, unda ular o‘zlarining ilmiy qiziqishlarini taqdim etishlari va malakasini muhokama qilinadi.
Hujjatlarni topshirish muddati
Ro‘yxatdan o‘tish yil davomida doimiy ravishda ochiq bo‘ladi.
Viza olishda ko‘mak
JIDU viza olish uchun ariza topshirish jarayonida ko‘mak beradi. Biroq, talabalar viza to‘lovini mustaqil ravishda to‘lashlari kerak. Yig‘imni taqdim etish jarayoni va miqdori to‘g‘risidagi tafsilotlarni Tashqi ishlar vazirligining konsullik bo‘limida aniqlashtirish lozim.
Viza arizasini ko‘rib chiqish muddati odatda 10 kundan 15 kungacha. Talabalar viza olish uchun zarur bo‘lgan barcha standart hujjatlarni oldindan tayyorlab qo‘yishlari kerak.
JIDUda o‘quv yili kuzgi va bahorgi semestrlardan iborat.
-Kuzgi semestr: sentyabrdan dekabrgacha
-Bahorgi semestr: yanvardan maygacha
Baholash tizimi: 100 ballik va ECTS tizimiga asoslangan
Ma’lumot uchun: ECTS - Yevropa kreditlarni o‘tkazish va jamg‘arish tizimi. Yevropa kreditlarni o‘tkazish va to‘plash tizimi (ECTS) Yevropa oliy ta’lim makoni vositasi bo‘lib, o‘quv dasturlari va kurslarining shaffofligini oshirish uchun mo‘ljallangan. U talabalarga turli mamlakatlarda ta’lim olishga va ularning akademik malakalari va chet elda o‘qish davrlari tan olinishiga yordam beradi.
O‘zbekiston bayramlari.
1-yanvar - Yangi yil
14-yanvar - Vatan himoyachilari kuni
8-mart – Xalqaro xotin-qizlar kuni
21-mart - Navro‘z
9-may - Xotira va qadrlash kuni
Sana o‘zgaradi - Ramazon Hayiti
Sana o‘zgaradi - Qurbon hayiti
1-sentyabr - Mustaqillik kuni
1-oktyabr - Ustoz va murabbiylar kuni
21-oktyabr - O‘zbek tili bayrami kuni
8-dekabr - Konstitutsiya kuni
Kontaktlar
Barcha savollar va qo‘shimcha ma’lumot uchun xalqaro bo‘limga murojaat qiling:
E-mail: international@uwed.uz
Universitet haqida ko‘proq ma’lumot olish uchun quyidagi ma’lumotnoma bilan tanishib chiqishingiz mumkin.