Abdurasulov Javlon Abdurayim o‘g‘li — Jahon iqtisodiyoti va diplomatiya universiteti Xalqaro munosabatlar kafedrasida o‘qituvchi va tayanch doktorant. U 2013–2018 yillarda JIDU bakalavriatida tahsil olgan va 2021–2022 yillarda ushbu universitet magistraturasini tamomlagan. 2019–2020 yillarda O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi qoshidagi Ta’lim sifatini baholash bo‘yicha xalqaro tadqiqotlarni amalga oshirish milliy markazining “Ilg‘or xalqaro tadqiqotlarni joriy etish” bo‘limida  bosh mutaxassis lavozimida faoliyat yuritgan. 

2022–2024 yillarda JIDU Akademik boshqarmasi tarkibida ta’lim sifatini nazorat qilish bo‘limida yetakchi mutaxassis, shuningdek, o‘quv-uslubiy bo‘lim boshlig‘i lavozimlarida faoliyat olib borgan. 2023 yildan buyon Jahon iqtisodiyoti va diplomatiya universiteti tayanch doktoranti hisoblanadi.