
Seytov Aybek Jumabayevich

Seytov Aybek Jumabayevich
KAFEDRA: “Tizimli tahlil va matematik modellashtirish” kafedrasi professori
MUTAXASSISLIGI
Tizimli tahlil, boshqaruv va axborotlarni qayta ishlash
Gidravlika va muhandislik gidrologiyasi
FANLAR
Hisoblash 1
Hisoblash 2
BOG'LANISH: aseyitov@uwed.uz
LinkedIn, Google Scholar, Research Gate, Academia, Web of Science, ORCID.
Tarjimai hollar
Seytov Aybek Jumabayevich, texnika fanlar doktori, professor, kafedra professori lavozimida ishlaydi. Seytov Аybek Jumabaevich 1979 yil 9 sentyabrda Qoraqalpogʼiston Respublikasi Ellikqala tumanida ziyoli oilada tugʼilgan. 1996 yili Oʼzbekiston Milliy Universiteti “Mexanika-matematika” fakultetiga davlat granti asosida oʼqishga kirib, uni 2000 yilda aʼlo baholarga bitirgan. Ushbu yilning oʼzida mazkur universitetning “Kompyuter texnologiyalari” fakulteti “Matematika-fizika” kafedrasiga magistraturaga davlat granti asosida oʼqishga kirgan va “Matematika-fizika” yoʼnalishini 2002 yilda muvoffaqiyatli tugatgan. Shu yili mazkur universitetning “Mexanika-matematika” fakulьteti “Differentsial tenglamalar” kafedrasiga aspiranturaga grant asosida kunduzgi boʼlimga qabul qilingan hamda 2005 yil aspiranturani tugatgan. Diplom boʼyicha mutaxassisligi matematik-fizik.
Seytov А.J. ilmiy faoliyati davomida bir qator jumladan – KXF–5-017 “Isteʼmolchilarga suvni diskret yetkazib berish sharoitida irrigatsiya tizimlarida optimal suv taqsimlash nazariyasini ishlab chiqish” fundamental loyiha ishi (2012-2016 yy.), PPI - 5 - 001 – 2015 - «Suv xoʼjaligi obʼektlari va tashkilotlarida ekspluatatsiya va boshqarishni yaxshilash uchun informatsion tizimlar tuzish asoslarini yaratish» amaliy loyiha ishi (2015-2017yy.), QXI - 4 - 002-2016 “Irrigatsiya tizimlari obʼektlarining texnik holatini takomillashtiradigan maʼlumotlar bazasini joriy qilish (Parkent-Qorasuv irrigatsiya tizimi boshqarmasi misolida)” innovatsion loyiha ishi (2016-2017yy.), VА-QXF-5-022-2017 «Iqlim oʼzgarish sharoitida Oʼzbeksiton Respublikasi yer osti va yer usti suvlaridan samarali foydalanish, boshqarish va shakllantirishning ilmiy asoslarini ishlab chiqish» fundamental loyiha (2017-2020yy.), MV-QX-А-QX-2018-279 “Suv va energetika yoʼqotishlarini kamaytiruvchi zamonaviy boshqarish usullar va yangi asbob-uskunalarni qoʼllab, katta nasos stantsiyalar kaskadlarining ishlatish rejimlarini takomillashtirish” amaliy loyiha ishi (2018-2020yy.), kabi ilmiy loyihalarda masʼul ijrochi sifatida qatnashib kelgan.