Xudoyqulova Nigora, Jahon iqtisodiyoti va diplomatiya universiteti (JIDU) Xalqaro huquq va ommaviy huquq fanlar kafedrasi o‘qituvchisi. U 2019 yilda Jahon iqtisodiyoti va diplomatiya universitetining “Huquqshunoslik” yo‘nalishi bo‘yicha bakalavr darajasini, 2020 yilda esa ushbu universitetning “Xalqaro biznes huquqi” mutaxassisligi bo‘yicha magistrlik darajasini olgan. Magistratura bosqichini yakunlagach, xususiy sektorda faoliyat yuritib, fuqarolik va xo‘jalik huquqi sohalarida huquqiy masalalar bilan shug‘ullangan va ushbu yo‘nalishlarda amaliy tajriba orttirgan. 2025 yildan boshlab Jahon iqtisodiyoti va diplomatiya universitetining Xalqaro huquq va ommaviy huquq fanlar kafedrasida o‘qituvchi sifatida faoliyat olib bormoqda. U kafedrada quyidagi fanlardan seminar mashg‘ulotlarini olib boradi: Davlat va huquq tarixi, Davlat va huquq nazariyasi, Konstitutsiyaviy huquq, Xalqaro huquq va Akademik yozuv. Xudoyqulova Nigora ilmiy-pedagogik faoliyatini huquqshunoslik nazariyasi va amaliyotini chuqur o‘rganish, talabalar huquqiy savodxonligini oshirish hamda sifatli ta’lim jarayonini ta’minlashga qaratgan.