Medetova Gauhar Turdibayevna 1994-yili O‘zbekiston davlat Jahon tillari universitetining “Ingliz tili” fakultetini filologiya yo‘nalishi bo‘yicha, “Ingliz tili” mutaxassisligi bilan tamomlagan (diplom № 034931). 1994–1997-yillar davomida Toshkent Arxitektura va Qurilish instituti Jahon tillari kafedrasida ingliz tili o‘qituvchisi va keyinchalik katta o‘qituvchi lavozimida faoliyat yuritgan. 1998-yili Ingliz tili kafedrasining katta o‘qituvchisi lavozimiga tayinlangan. 1997-yildan boshlab hozirgi kungacha Jahon iqtisodiyoti va diplomatiya universitetida katta o‘qituvchi va dotsent lavozimlarida ishlamoqda.

Medetova Gauhar Turdibayevna o‘z pedagogik faoliyati davomida 30 ga yaqin ilmiy, o‘quv va o‘quv-uslubiy ishlarni yaratgan. Ulardan 20 tasi ilmiy maqolalardan iborat bo‘lib, 4 tasi xorijiy jurnallarda chop etilgan; 16 ta maqolasi respublika va xalqaro anjumanlar materiallari to‘plamlarida, jumladan xorijiy konferensiyalarda nashr etilgan. Shuningdek, u 3 ta darslik va 3 ta o‘quv qo‘llanmaning muallifi hisoblanadi.