Shirin Mirzayuldashevna, yuridik fanlar falsafa doktori (PhD), dotsent lavozimida ishlaydi. Bundan oldin u O’zbekiston Respublikasi Prezidenti huzuridagi Davlat boshqaruvi akademiyasida ishlagan. Universitetda u “Xalqaro gumanitar huquq”, “Xalqaro ommaviy huquq”, “Ilmiy tadqiqot metodologiyasi” fanlaridan ma’ruza o‘qiydi. Uning 25 dan ortiq ishlari chop etilgan, xususan, “Xalqaro gumanitar huquq” (2025) o’quv qo’llanmasi; “Организация государственной власти на местах” (2023) monografiyasi. Nomzodlik (PhD) dissertatsiyasini 2020-yil dekabrda O'zbekiston Respublikasi Milliy gvardiyasi Jamoat xavfsizligi universitetida himoya qilgan. Shuningdek, u Universitetda “Xalqaro gumanitar huquq” fani doirasida Xalqaro Qizil Hoch Qo’mitasi mutaxassislari ishtirokida talabalar uchun master klasslar tashkil etadi, shu bilan birga universitet talabalarini xalqaro  musobaqalariga (F.F.Martens, hamda J.Pikte nomli xalqaro konkurslari) tayyorlab keladi. U xalqaro gumanitar huquqning dolzarb masalalariga bag‘ishlangan respublika va xalqaro konferensiyalarda ma’ruzachi sifatida qatnashib keladi. Shirin Mirzayuldashevna Toshkent davlat yuridik universiteti bitiruvchisi (2011 y. – Bakalavriat, 2013 – Magistratura). 

Shirin Mirzayuldashevna Germaniyaning “Hertie School of Governance” boshqaruv maktabida (2013 y.), Fransiyaning Parij shahridagi nufuzli INSP davlat boshqaruvi universitetida (2016, 2023 yy.) malaka oshirish kurslarida ishtirok etgan.