2009 yilda Jahon iqtisodiyoti va diplomatiya universitetining "Xalqaro huquq" fakultetini "Yurisprudensiya" xalqaro huquq ixtisosligi bo‘yicha tamomlagan. 2011 yilda shu universitetning diplomatik va konsullik huquqi yo‘nalishi bo‘yicha magistraturani tugatdi.2012–2015 yillar davomida Jahon iqtisodiyoti va diplomatiya universitetida katta ilmiy xodim-izlanuvchi sifatida konsullik masalalari bo‘yicha ilmiy tadqiqot ishlarini olib bordi. 2015 yilda "Davlat qurilishi va huquq" kafedrasida o‘qituvchilik faoliyatini boshladi va 2020 yildan YUNESKOning "Xalqaro huquq va inson huquqlari" kafedrasida katta o‘qituvchi sifatida ishlab kelmoqda. Hozirgi kunda Xalqaro huquq fakultetining "Xalqaro huquq va ommaviy huquq fanlari" kafedrasida o‘qituvchilik va ilmiy tadqiqot faoliyati bilan shug‘ullanadi. 2024 yilda O‘zbekiston Respublikasi tashqi ishlar vaziri buyrug’i bilan unga diplomatik – attashe martabasi berildi. Uning PhD ilmiy tadqiqot yo‘nalishi "O‘zbekiston Respublikasining konsullik xizmati faoliyatini tashkil etish va huquqiy ta’minlash: xalqaro-huquqiy jihat" mavzusida.