2025 yil 17 aprel kuni Jahon iqtisodiyoti va diplomatiya universitetida “Markaziy Osiyoda barqaror rivojlanishda “yashil iqtisodiyot”ga o‘tishning asosiy yo‘nalishlari va istiqbollari: Siyosiy jihatlar” mavzusida xalqaro ilmiy-amaliy konferensiya o‘tkazdi. Ushbu tadbir mutaxassislar, olimlar, nodavlat tashkilotlari va davlat organlari vakillarini bir joyga yig‘ib, mintaqadagi barqaror rivojlanishning dolzarb masalalari muhokama qilish uchun foydali platforma yaratdi.

Tadbirning ochilish marosimida prorektor Gulnazo Ismoilova so‘zga chiqib, ushbu mavzuning ahamiyatini va barqaror rivojlanishga erishish uchun birgalikdagi sa’y-harakatlarning zarurligini ta’kidlab o‘tdi. Shu jumladan, Xalqaro munosabatlar kafedrasi mudiri Ildar Yakubov va Yosh Olimlar Kengashi raisi Madina Abdulayeva ham o‘z tabrik so‘zlarini aytishdi.

Konferensiya ikki asosiy sessiyaga bo‘linib o‘tdi. Birinchi sessiya Markaziy Osiyoda "yashil iqtisodiyot"ni rivojlantirish holati va kelajagiga bag‘ishlandi. Ishtirokchilar huquqiy asoslar, atrof-muhit xavflari va transchegaraviy suv resurslari roli kabi turli jihatlarni muhokama qildilar.

Ikkinchi sessiya “yashil iqtisodiyot” sohasida xalqaro hamkorlikka bag‘ishlandi. Ishtirokchilar alternativ energiya manbalari, global atrof-muhit boshqaruvi va iqlim o‘zgarishi bilan bog‘liq masalalarni ko‘rib chiqdilar.

Sessiyalardan keyin, ishtirokchilar o‘zaro fikr almashib, mintaqada "yashil iqtisodiyot"ni rivojlantirish uchun takliflar bildirdilar. Muhokamalar natijasida nodavlat tashkilotlari, davlat organlari va akademik muassasalar uchun tavsiyalar ishlab chiqildi.

Konferensiya Markaziy Osiyoda “yashil iqtisodiyot”ga o‘tish masalalari bo‘yicha muhim tadbir bo‘ldi. O‘zbekiston, Rossiya, Qirg‘iziston va Qozog‘istondan kelgan ishtirokchilar hamkorlikni davom ettirish va taklif qilingan tashabbuslarni amalga oshirish umidini bildirdilar, bu esa mintaqada barqaror rivojlanishga hissa qo‘sha oladi degan hulosaga kelindi.